SAM 4:8 - Cho Bible Common Language 2016

⁸ Kei cu ka ng’zän law ung, ding gei sei ka ip ci; O Bawipa nang bäng naw, kümbe ciah phyawn nak, na na pek ci nei.

SAM 4:8 Referans Kwoze

NG'THU K'THUUK~ 3:24

Ih phak ung na ng’yän law ung kä na kyih khai amü pum ding gei sei na ip khai.

SAM 3:5

Kei cu ng’yän ne ka ip ci, Bawipa naw amü pum na m’htei ci.

1 THESSALONIAN 5:10

Ani a kyum law ba hnüüp ung, sih ung phi bäi, ghin ung phi bäi, ani awn a täng ah om vai ah Bawipa cu mikmi ah hmawk ah si pyi ci nei.

THULÄÄN NAK 12:10

Jordan tuinu nami kah law ung Bawipa naw khaw cu ning khäm sak gui sei, acu ah nami om khai. Ani naw nami ga avan ungka ning phyawn sak gui sei, nangmi cu ding gei sei nami om khai.

TAIGÜTHUM 26:5

Nami geit cu da aih sei, sing theih akni k’bih vai güt ung htang nami khäm khai, m’shi shaw vai güt ung sing theih akni nami bit khai. Nami ei hlü phung avan nangmi ung om khai, nangmi cu nami khaw ung phyawng gai ne nami om khai.

HOSEA 2:18

A cunah akhin ung kei naw khisa gui la kha gui avan awn thukhän ka bik khai. Cun ah kyasei ngami naw kei ah chang gui cu kä nat sak khai gui. Kei naw khaw ungka likhim gui avan, ka heng khai — khim gui avan. Li gui avan maih khai. Ka chang gui cu dimdeeih ne phiawng htein sei ka om sak gui khai.

THU PHLAAN 14:13

Cun kawn ah khankho ah kaa k’aw naw, “Tuhbäi ung tün ne Bawipa ah khuut bi netah, sik ci gui cu yeikyai nak om ci nei, cun cu na guk vai nei” ci sei ka ng’yak ci. Mumcha naw, “Ä! Cun cu akcang nei! K’tha nane bilo ciah chang gui cu yeikyai ne ng’düm khai gui nei, ami bi ah akchaw cu ami mät awn ng’khap ci nei” cine pyein ci.

EZEKIEL 34:25

Kei naw ngami awn thukhän ka bik khai, acun naw ami ngaih gep nak vai ah ng’kham pe gui khai. Kei naw kyihkyawk vai kyak ciah khisa gui avan khaw ungka ka k’täm gui khai, cun ung kei ah ka htome gui cu phyawng m’htein ne lolai ung lum u ne, bung hmu ah ip khai gui.

SAM 16:11

Nang naw ghin nak ah lam cu na nam shüm khai; Na na om püi nak naw yeikyai nak awn na be sak ne, angtäi hlimtui nak phi law püi ci.

ISAIAH 9:2

Hmüpkhui ung hteit hton ciah chang gui naw dämduh ciah akdei hmuk ci gui nei. Ngami cu sihnak ah shung ah khaw ung ami om man ung phi, Tuhbäi akdei cu ami khan ah ng’shü ci nei.