SAM 4:7 - Cho Bible Common Language 2016

⁷ Cun ung phi nang naw na na pek ah yei nak cu, Ngami ung htang m’guh la sapyit tui da sei, avan ami yei ah mä bä pi ci nei.

SAM 4:7 Referans Kwoze

ISAIAH 9:3

Nang naw dämduh ciah hüithaw nak na pe gui ci nei, BAWIPA; Nang naw na yeikyai sak gui ci. Chang gui naw ami geit ami khäm ung, kä cun ung ami guh tep ah khawh ami ng’pai ung ami yeikyai ah mäih ah, Ngami cu nang ah bi nak ung hüithaw ci gui nei.

SAM 37:4

Yeikyai nak cu Bawipa ung shui vä, Ani naw nami m’lung ah ng’yak hlü cu ning pe gui khai.

SAM 43:4

O Khanpughi na mang kiang ung ka hteh law ung, nang cu ka yeikyai nak ah ang yung ah na kyak ci. Kei naw tingtäng tum ne, ng’äi awn ka ning m’tam khai nei, O Khanpughi, ka Khanpughi.

LAMKTU 14:17

Cun ung phi Khanpughi naw a om ah mawng cu ak ni a bi nak awn ang täi sei chang gui am m’dang gui ne, Khankho ah kaa kho yuk aa sak ne, amät ah khin ung vuipai m’theihtak ci phi ning pe gui ci. Ei auk vai ning k’be gui ne m’lung yeikyai nak phi ning pe gui ci” cine m’lau ne pyein ci.

SOLOMON NG’Ä~ 1:4

Na la law ä, ni dawng kawm ni; ka ning ghangpughang nak khai nei, na im kyong ah na hteh püi ä. Atäng ah ni yeikyai khai nei, Hlim sei ei aw ne yumhni nak ung ning len khai nei. Hnumi avan naw ami ning m’hni cu cäi vai ah kä kyak ci.

SAM 92:4

O Bawipa, m’gäi ciah na hnünthawh nak naw, na yei sak ci; Na bi gui ah hmawk ah yei ne ng’äi ka m’cu ci.

JEREMIAH 48:33

Anglei nik ciah Moab ungka yeikyai nak la länlawi nak cu ahei ah hteh püi pyi ci gui nei. Neen nak ungka naw sapyit tui kä long law ba khai ah kei naw ka bik ci nei; sapyit tui pyang ne yei ne m’lau ci tumat phi kä om ba ci nei.

SUKI GUI 9:27

Ngami ami van ami sapyit lo ah hteit ci gui, sapyit theih bit u ne, sapyit tui pyang ci gui, cun kawn ah pawi bik ci gui. Ngami cu ami Khanpughi ah pum im ah hteit u ne, a cu ah ei aw u neta, Abimelek ah mawng pyen ne gaih ci gui.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

KHEI NAK 6:25

Bawipa naw ning k’dük gui ne ning m’gein gui sä.

SAM 31:17

Bawipa, ka ning khü ci nei; kä na lüng’a sak-en ä. Chang omshe gui cu lüng’a sak gui ä; Ngami cu sihnak ah khaw ah düm ah hteh sak gui ä.

SAM 67:2

cun ah kyasei khomdek khan avan naw na ng’yak hlü hmat khai; changpakhui van naw na hun nak hmat khai.

SAM 80:4

M’gäi ciah Bawipa Khanpughi, Na chang gui ah taigü nak ah khan ah a i güt na m’lungshe khai ang?