SAM 4:4 - Cho Bible Common Language 2016

⁴ Ng’hlet ne kyi ne, cheishoh nak ung düm vä; A düm ah ng’zän ne nami ih nak ung, a cun ah mawng cu ak thuuk ah ngai vä.

SAM 4:4 Referans Kwoze

EPHESIAN 4:26

Nami m’lung a shet law ah a kyak ung phi, nami m’lung she nak cu cheishoh nak ung kä gawk en sä, nami m’lung she nak cu hni naw kä luh-en püi sä.

SAM 77:6

Ak thuuk ah ngaih-tüh ne, khomü ka ng’pyi sak ci; Tüüp ne ngai neta, shicha ah ka mät cu ka ng’shik ci:

NG'THU K'THUUK~ 3:7

Na mät na cüivai ciah na mät naw kä na ngaih va, Bawipa cu läk ne akshe cu na hlawi vai.

SAM 63:6

Ih phak ung ka ng’zän ung phi ka ning shüm ci; am than pum ka ning ngaih-tüh ci,

SAM 46:10

Ani naw, “Ng’tuk nak ung düm vä, kei cu Khanpughi ah na hmat vä, changpakhui gui ah khan ah ka hlüngtai ci, khomdek khan nüng ung ka hlüngtai ci.

2 KORIN 13:5

Yum ne nami ghin nak a bä la kä cun ah, nami mät naw nami mät m’htei ne ng’thumcha shüm vä. Cun ung kä nami pyai ah a kyak ung, Bawi Khrit Jesuh nangmi ung a om cu akcang ah nami hmat khai nei.

SAM 33:8

Khomdek avan naw Bawipa khawihnah vä! Kho a ka ah chang avan naw m’taam khah vä!

JOB 28:28

Khanpughi naw chang gui pyen na gui ci, “Nami cüivai vai nei, Nangmi naw Bawipa cu nami chang m’sui vai nei. Nami hmat vai cu, nangmi cu akshe ungka nami ng’hlah law ba vai.”

NG'THU K'THUUK~ 16:6

Hlakham ne nami bekhüt vai, Khanpughi naw nami katnak ning geinsei gui khai, Bawipa nami lak vai, nangmi ung akshe ka gawk lawk khai.

HABAKKUK 2:20

Bawipa cu theingciim ciah a Taigüim ung om ci, m’dek chang phung cu adüm ah ama ah mi kawp khai nei.

NG'THU K'THUUK~ 16:17

Lam akni ung htie ciah chang naw akshe cu hlawi hlek ci, na hteh nak ah lam cu na m’htei vai.

SAM 119:161

Huham ah ciah chang gui naw kä düng ciah na hnim ci gui, cun ung phi na thukhän cu ka kyih aa ci.

SAM 3:4

Kei naw Bawipa cu ana m’htei vai ah ka khü ci, Ani naw a khomhtung theing ung om ne na m’shang ci.

SAM 2:11

Bawipa cu kyih ne a khuut bi vä; Ng’hlet ne a ma ah kawp vä;

JEREMIAH 5:22

Kei Bawipa nei, a i ah kyasei kä nami na kyih ang? A i ah kyasei kei ah ma ah kä nami ng’hlet ang? Kei naw tuinu ah khogii nak ah lawigin ka tha ci nei, cun cu ng’täi ciah khogii, ai naw kä a kan hlawt ah kyak ci. Tuinu cu ng’hnawk ci, cun ung phi cun naw kä phlän hlawt ci, tui hnawk cu hmum ci, cun ung phi cun naw kä m’shet hlawt ci.

SAM 3:2

Ngami naw kei ah mawng pyen ne ng’htau u ne, “Khanpughi naw kä m’htei khai nei” cik ci gui.

SAM 17:6

O Khanpughi na na m’shang ci kyasei, nang ah ka taigü ci nei; kei täng ah ng’hlat law ne, ka thu cu na ngaih peä.