SAM 4:3 - Cho Bible Common Language 2016

³ Shüm ba vä, Bawipa naw amät ah chang vai ah düng ciah chang cu ghü ne, Kei ah khü cu ng’yak ci nei.

SAM 4:3 Referans Kwoze

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

SAM 34:15

Bawipa naw düng ciah chang gui cu teng khen gui ci, ami ng’khü phi ngai pe gui ci.

2 PETER 2:9

Zum ciah chang gui ami kium nak ungka k’phiawn gui vai, chang shekha gui la,

2 TIMOTHI 2:19

Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

PHYAWN NAK 33:16

Keimi awn a täng ah kä na hteh ah a kyak ung, na chang gui na yei nak ah mawng la kei na na yei nak ah mawng, a i cha ah a u naw hmat khai aw? Keimi ung na om ah mawng naw m’dek khan ung chang hei gui awn na ng’lakmah sak gui khai nei.

SAM 6:8

Changshe gui kei ah om nak ungka a hei ah hteit vä! Bawipa naw ka k’awk a guh cu ng’yak ci nei;

EPHESIAN 2:10

Bawi Khrit awn kawng ät ne, Khanpughi naw am hnüt bäi ah om k’ni nak ah mäih ah mi om ih vai ah, Khanpughi naw a na tüi sho gui ah kyak ci.

SAM 50:5

Ani naw, “Bekhüt ciah ka chang gui, pek tak m’ghu tha ne thukän ci gui, kei ah law ne ng’bum law bä” cik ci.

SAM 31:23

Bawipa cu m’hni vä, bekhüt ciah ak chang van naw, Bekhüt cicu Bawipa naw shungvong ci, cun ung phi chang ah ng’shei ci cu, amät ah om m’kyuk ci.

SAM 56:9

Kei naw ka ning khü hnüüp ung, ka gaa gui cu ng’hlat ba khai gui. Cun cu ka hmat ci; Khanpughi cu kei lam ah om ci —

SAM 49:3

Ka m’lung ngaih cu ng’htei khai, cüivai ciah thu lung ka pyen khai.

SAM 62:10

Chang ngawn pha vai kä na k’tha nak vai; Ng’gut tep ne näng vai kä na ngaih-tüh vai; Na ng’bühmang law pi ung phi acun ah khan ah kä na ng’düih vai.