SAM 4:1 - Cho Bible Common Language 2016

¹ Ka taigü cu na m’shang ä, O Khanpughi, ka ng’shung nak! Khüikha nak ung ka gawk sangung na na m’htei ci. Tuhbäi kei cu na m’gein ne, ka taigü cu na ngaih pe ä.

SAM 4:1 Referans Kwoze

2 KORIN 1:10

Cun hlawk ah kyih aih vai ah sih nak ung kaa, Bawipa naw na hun gui ci; na hun ba gui khai; cun kawn ah phi na hun ba gui mä khai ah yum ne mi ngaih u ci.

SAM 119:132

Na m’hni ah chang gui ah khan ah na bi ah mäih ah kei lam ah ng’hlat law ne na m’gein ä.

SAM 25:16

Bawipa, kei täng ah ng’hlat law, kei na chimgein ä, a i ah kyasei ci ung, kei cu ka keiu ci, ka yai ci.

JEREMIAH 23:6

Ani ghangpughang ah a kyak law ung Judah chang gui cu phyawng khai gui, Israel chang gui cu dimdeeih nak ung om khai gui. Ani cu “Ani cu Bawipa mi hun bawi” ah khü khai gui.”

SAM 17:6

O Khanpughi na na m’shang ci kyasei, nang ah ka taigü ci nei; kei täng ah ng’hlat law ne, ka thu cu na ngaih peä.

HABAKKUK 3:19

Uktu Bawipa naw thagui na pek ci. Kigang ah mäih ah ka khaw na yaang sak ci. Khomhtung gui ah khan ah k’pang ne nak phyawn ci.

ISAIAH 45:24

Ngami naw näng nak la thamah nak cu kei bäng ung hmuk ci gui ah pyen khai gui nei; Cun ung phi kei na gen ciah chang avan cu lü ng’aa nak awn yaica khai gui nei.

SAM 143:2

Na na changshäm cu yung ah m’kawt ung kä na cha en ä; Nang lam ah theingcim ci a u kä om ci nei.

SAM 57:1

Kei cu na m’gein ä, Khanpughi, na m’gein ä, phyawn nak gah vai ah ka lawk ci nei. Pui khokhi kä a ng’düm pha ah chuih na ng’phya hnim ka ah ka ng’yii ci nei.

SAM 45:1

Thu kyom gui ka m’lung ung be ci, Shin ah ng’äi cu ghangpughang-am ka guk nei. Ca akni ah gu thei ciah guk nak ah mäih ah, ka m’gawng m’lei cu kyasei ng’äi awm om ci.

SAM 22:1

Ka Khanpughi, ka Khanpughi, a i ah kyasei na na nawng ang? Kei cu na na m’htei vai ah kyap ne ka ng’khü ci nei, cun ung phi a i kä dang lawk ci nei.

1 SAMUEL 17:37

Bawipa naw kawng la khawm ah kut ung ka na hun ci; ani naw shin ah Philistin ung ka na hun khai.” Saul naw, “Bä khai, hteit ä, Bawipa naw ning om püi khai” cik ci.

2 KORIN 1:8

Phäinau gui aw, Asia kho ah ka mi aut ah yaica nak ah mawng cu ka ning m’htein gui hlük ci. Cun ah yaica nak cu däm ne gih aih khätah, ghin nak hngaw kami hnu ng’hlah tak ci nei.

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

SAM 76:1

Judah khaw ah Khanpughi cu hmat ci gui; Israel gui naw ang ming cu m’taam ci gui.

SAM 67:1

Khanpughi, na chimgein gui ne, hriham na pe gui ä; na k’dük nak awn na teng gui ä,

SAM 42:1

Kigang naw tui gei tuihta ging co ne a shui ah mäih ah ka ning ging co ci nei Khanpughi aw.

SAM 31:8

Ka gaa gui naw ami na näng vai ah nang naw kä na m’awng ci, ka ng’yak nak hlü ah ka hteh vai ah ng’pängye nak na na pek ci.

SAM 24:5

Bawipa naw ngami cu hrilham pe gui ne, hun gui ci; Khanpughi naw düng ne ni sak gui ci.

SAM 11:7

Bawipa cu düng ne düng ne bi nak cu m’hni ci; Düng ciah chang gui naw ani ah hmai cu hmuk khai gui.

SAM 116:16

Bawipa, kei cu na changshäm ah ka kyak ci nei; kanu ah bi ah mäih ah kei naw na bi ka bik ci nei. Nang naw sih nak ungka na na hun pyi ci nei.

SAM 116:6

Bawipa naw geinvai cicu shungvong ci; kei ka khüikha yah ung, ani naw na hun ci.

SAM 56:1

O Khanpughi, kei cu na m’gein ä, kei cu na tuk ci gui nei, ka gaa gui naw angtäi sei na dukdeiu nak ci gui nei.

SAM 41:12

Kei cu ng’düng ci ka bik ci kyasei, nang naw na nam htei khai nei; Nang naw angtäi sei na ma ah na na k’pawm khai nei.

SAM 6:1

Bawipa, ka m’lungshe en ä, kä na shedam men naä! m’lungshe ne kä na m’kat-en ä!

JOB 36:16

Khanpughi naw khükha nak ung ning law püi gui ne, Nami m’lung üp sei ning yei sak gui ci.