SAM 39:10 - Cho Bible Common Language 2016

¹⁰ Cun kawn ah kä na m’kat en ba ä! Na na tukthah ah hmawk ah ka si lawk khai kyak ci nei.

SAM 39:10 Referans Kwoze

JOB 9:34

Na na m’kyuk nak m’düm ä, Khanpughi! Na na m’kyih nak akthuk ah tüi ä!

JOB 13:21

Na na m’kiuk nak cu ng’düm ä, kyihkyawk vai awn kä na güüt en ä.

SAM 32:4

Bawipa, amü a hnüüp kei cu na nam kyuk ci nei; ka thagui cu avan ket yawp ne, chakho ah m’hutui a kawi ah mäih ah kyak ci nei.

JOB 40:8

Kei kä ka taga ciah tuhbäi na m’dang vai ah na k’tha nak ci ma? Kei täng ah chei ne na mät täng ah cang nak ng’dang khai ah na bik ci ma?

1 SAMUEL 6:5

Nangmi naw shin ah ng’khe gui la k’pui gup gui cu nami pyan vai, cun gui naw nami khaw m’dishum ci gui, nang mi naw Israel Khanpughi am m’taam khah nak nami pek vai. Cun ung nangmi, nami khanpughi gui la nami khaw ah khan ah gawk khai ah gawk lawk ciah m’kyuk nak cu düm ei sak hman khai.

TAIGÜTHUM 10:3

Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

JOB 2:10

Job naw mshang ci, “Nang akholä ah na ng’thu ci! Khanpughi naw akni ana pek gui ung yei ne mi dou ci, ani naw khuikha nak ana pek law ung mä a i hawkcha ah maa thei vai ang? A i chü ah akhuikha ung phi Joba naw Khanpughi ka hnungtuk ci.

NG’ÄI KYAH 3:28

Mikmi mi yaica law ung, a düm ah m’lung sau nak awn mi mät mi ngoh vai ah kyak ci nei.