SAM 37:9 - Cho Bible Common Language 2016

⁹ Bawipa ung ng’ap cicu kho khän ne ng’len khai, cun ung phi changshe cu gawt ne täm khai.

SAM 37:9 Referans Kwoze

ISAIAH 60:21

Na chang gui ami van naw hman cicu bik khai gui, ngami naw kho cu angtäi sei khäm khai gui. Ka dämduh nak ng’thu m’than nak ah geit kaw gui ne ka piamtham gui ci nei.

SAM 25:13

Ngami cu angtäi sei bühmang khai gui, ami hta gui naw kho khäm khai gui.

ISAIAH 57:13

M’htei htang vai ah nami kyah law ung, shin ah nami agup gui naw ning hun gui u sä? Ngami cu kho hnü ät akhi ah a kyak ung a cun naw zon gui khai nei! Cun ung phi kei ng’ap ciah chang läi cu shin ah kho ung om khai nei, ani naw kei cu ka Taigüim ung na khawihnak khai nei.”

SAM 37:29

Düng ciah chang gui cu khaw päng u ne, ngawi yä pui m’ca khai gui.

SAM 55:23

O Khanpughi, cun ung phi nang naw, Chang ngawn ci gui la m’gu hleei ci gui cu, ng’cim hmun ung na hteh sak gui khai, ngami cu kä chang cawih khai gui. Cun ung phi kei läi cu nang ka ning ngaih u khai nei.

THU PHLAAN 5:10

Nang naw ngami cu Khanpughi ah khuut bik khai gui ah ngung nak ah taigü ah na k’hmoh gui ci. Ngami naw m’dek khan ah uknak cu gah khai gui nei,” ciah kyak ci.

NG'THU K'THUUK~ 2:21

Düng cih chang gui — kümbe ci gui — cu shin ah mi khaw ung om khai gui.

ISAIAH 58:14

Kei ah bi nami bi nak ung ka gawk lawk ciah yeikyai nak cu nami hmuk khai. Khaw avan ung chang ah m’tam khah vai ah ka ning pyang gui khai. Kei naw nami a Jakob am ka pek ah khaw ung nangmi cu nami yeikyai khai. Kei, Bawipa naw ka pyen nei.”

HEBRU 11:16

Cun ung phi ngami cu cun ak kho ah tah bä pi ciah khankho ghui kho cu ngaih u ci gui ah kyak ci. Cun ah kyasei Khanpughi cu ami Khanpughi ah ami khü ah hmawk ah Khanpughi cu kä lü ng’aa ci, a i ah kyasei ci ung Ani naw ngami ah hmawk ah mang gaw cu a sak pyii ah kyak ci nei.

KHEI NAK 26:65

Bawipa naw chang gui ami van bungpuk ah sik khai gui a ciah kyasei, Jephunneh ah hta Kaleb la Nun ah hta Joshua bäng k’pawih ba ci goi, ami van si yawp ci gui.

THULÄÄN NAK 5:33

Avan nami läk vai, cun ung a päng avan cu nangmi ung nik khai. Cun ung nang mi naw nami khäm law vai ah khaw ung nangmi cu k’täi ne nami om khai.

JOSHUA 14:9

A i ah kyasei cun ah kabi ci ung Moses naw kei ung shai atak cu, kei naw ka ng’leh nak ah khomdek phung cu kei la ka hta nau gui nau gui naw akami kaa vai ah kami gah vai ah kyak ci.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.