SAM 37:8 - Cho Bible Common Language 2016

⁸ Kä na mi ng’ä ng’ai vai, kä nami m’lung she vai, ng’ä ai m’lung she nak cu, khüikha nak ah kyak ci.

SAM 37:8 Referans Kwoze

NG'THU K'THUUK~ 14:29

Adüm ah na om ung nang cu cuivai ciah na kyak ci, Nang cu na m’lungshe aih ung a i hlawk ah na anglam cu na m’dang ciah kyak ci.

NG'THU K'THUUK~ 16:32

M’lung sau nak cu huham mah nak ah ta ba pi ci, amat naw amat nang cicu mang gaw avan nang ciah ta ba pi ci.

EPHESIAN 4:31

Thüisei nak, ngetngawng nak, m’lungshe nak gui cu nawng ge vä. Käng li ng’lai kä ng’plah ng’taang ba vä, käm thüikhang kä ng’gen hteet ba vä.

EPHESIAN 4:26

Nami m’lung a shet law ah a kyak ung phi, nami m’lung she nak cu cheishoh nak ung kä gawk en sä, nami m’lung she nak cu hni naw kä luh-en püi sä.

KOLOSE 3:8

Tuhbäi nangmi naw m’lungshe nak, beishet nak la thüigen nak ah amawng gui cu avan nami phiawn nak vai. Ashekha la amsheshai cu nami m’gawng m’lei ung kä lut-en law sä.

JOB 5:2

Khüikha ne na mät na sih en vai ah na mät naw na mät ng’ä na ä, Cun cu gu ang ne akholä bi ah kyak ci nei.

JONAH 4:1

A cun ah mawng ung Jonah cu am lung kä ni khäta m’lungshe ci.

JONAH 4:9

Cun ung phi Khanpughi naw, “Shin ah sing ghing ah phäh ah nang ung na m’lungshe nak hning vai a i ang a om?” Jonah naw, “Kei cu ka m’lungshe hning ci, ka sih nak vai ah ka m’lungshe hning ci” cik ci.

JOB 18:4

Na mät ah m’lungshe nak naw na mät ning nat sak ci nei. Nang na m’lungshe ah phäh ah khomdek ng’shiu khai ah na ngai ne ma? Nang na yei vai ah phäh ah Khanpughi naw khomhtung gui ng’nawn sak khai ma?

SAM 73:15

Kei cu cun ah mäih ah ng’thu ka pyen ah akyak ung, kei cu nak chang tumat ah mäih ah phi kä ka kya hlawt khai nei.

SAM 31:22

Kei cu ka kyik ci, ama ung ka, nak tääm khai ah ka ngai ci. Cun ung phi anam htei vai ah ka ng’khü yah ung, ka kyah cu ng’yak ci nei.

SAM 116:11

Kei cu kyih aih neta, “A u ngaih u vai kä om ci nei” ka ci ung phi.”

1 GHANGPUGHANG GUI 11:22

Ghangpughang naw, “A i ah kyasei ang? A i baw ka ning pek vai häu ci om ne ang? A i ah phäh ah na im ah na hteh ba hlü ang? Hadad naw ghangpughang am, “Na hteh ba sak ä” ci neta, ani cu a khaw ah hteit ba ci. Hadad cu Edom ung ghangpughang ah kya ne, Israel ah ga akshe ah kyak ci.