SAM 36:8 - Cho Bible Common Language 2016

⁸ Na bühmang nak ah ei cu na phü sak gui ne, na ni kyom nak ah tui cu na awk sak gui ä.

SAM 36:8 Referans Kwoze

SAM 16:11

Nang naw ghin nak ah lam cu na nam shüm khai; Na na om püi nak naw yeikyai nak awn na be sak ne, angtäi hlimtui nak phi law püi ci.

SAM 65:4

Na ghü ah chang gui la na phung ung om khai ah na ghü ah chang gui cu yeikyai u sä. Keimi cu na im kyong ung akni gui la na pum im theing ung na hriham awn kami ng’büh ci nei.

ISAIAH 58:11

Cun ung kei naw angtäi sei lam ning m’shüm gui ne, akni gui awn ka ning büh bei sak gui khai. Kei naw ning khüighat sak gui ne ka ning gai sak gui khai. Nangmi cu tui akda awn sawi ah duin ah mäih ah nami kyak khai, kä ket hlawt ciah tuilawng ah mäih ah nami kyak khai.

ISAIAH 25:6

Shin ah Zion m’htung ung m’gäi ciah Bawipa naw khomdek khan chang pakhui avan ah hwawk ah ei-hnii ng pyang khai bä pi ciah ei la ni pi ciah awk ah ei-hniing ah kya ci.

SAM 63:5

Ka mümcha cu ei vai da ne, kyä khai nei, kei naw yei nak ng’äi m’cu ne ka ning m’taam khai.

MATTHE 5:6

“Khanpughi ah ng’yak hlü ah bilo hlük ciah chang gui yeikyai vä; Nangmi cu Khanpughi naw nami ng’yak hlü ning k’be sak gui khai!

SAM 46:4

Tuinu tumat om ba ci, Cun ah tuinu naw Khanpughi ah mang gaw, a hlüngtai säih ah im theing ung yeikyai nak law püi ci.

ISAIAH 48:21

Bawipa naw a chang gui cu ng’ling ciah khong’gau akan law püi gui yah ung ngami cu tui kä gha ci gui. Ani naw ngami ah hmawk ah lung pou ung ka tui cu luh law sak ci; Ani naw lung cu teek ne ng’hmawn sak sei, acun ung ka tui lut lawk ci.

JOB 20:17

Ani naw tuinu ah mäih ah kya ciah oliv situi, suuk tui la khoitui ah mäih ah long ciah tuiu cu kä hmuk khai.

JOHAN 7:37

Ami pawi ah ang hning nak pi la ang pyi nak ah hnüüp ung, Bawipa Jesuh cu ng’düi law netah, “Tui gha ci naw kei ah law ne tui aw law sä;

ISAIAH 43:20

Ng’kiang ma ah tui long khai ah bi ne ka ghü ah chang gui am tui ka pek law ung; khisa gui naw kei cu na m’tam khai gui, sa ui gui la ngamzawk gui naw phi na m’tam khai gui.

SAM 17:15

Cun ung phi kei naw ka ning hmu gui khai, kei cu chei khai ah a i kä ka bik ci; kei ka thawh law ung na na om püi nak naw kei cu na yeikyai sak khai nei.

SOLOMON NG’Ä~ 5:1

Kei cu ka u-yin ung ka lut pyi ci, ka m’lung ung tuihlim ciah ka ng’lami hta. Ka tui ng’ui la ka muran cu ka k’bum pyi ci; Ka khoi tui la ka khoi phyai cu ka ei pyi ci; Ka seisuuk la sapyit tui cu ka awk ci nei.

ZEKHARIAH 9:17

Cun ah khaw cu a i hlawk ah ni ne kyom khai aw! Chang nong gui cu cun ah khaw ungka htang m’guh la sapyit tui awn däm ng’ghaw khai gui.

SAM 17:8

Na mik cang awn na tengkhen ä; na ng’phia hniim ung na thup ä,

SAM 31:20

Ngami cu chang gui ah cicum nak ung la ga gui ah bi nak ung phyawng khai gui ah nang naw ng’yii nak ung na thup gui ci.