SAM 36:4 - Cho Bible Common Language 2016

⁴ A ih ng’zän nak ung phi akshe bäng ngaih-tüh ci; Akni phung a i kä bik ci; akshe phung kä hnu nak ci.

SAM 36:4 Referans Kwoze

MIKHAH 2:1

Ang yän nak ung akshe ah ngaih-tüh neta, khaw a thaih law ung a cun akcang ah bik ciah chang gui cu katnak om ci. Cun cu a i hlawk ah ng’yiin khai aw?

NG'THU K'THUUK~ 4:16

Chang shekha gui cu cheishoh nak kä ami bi ung kä ip hlawt ci gui. Chang tumat kä ami m’di ung kä cimgang ci gui.

ROMAN 12:9

M’hni nak cu akcang ah yumhni nak ah a kyak vai nei. Shetkat nak cu thüi na u ne, ni kyom nak cu k’pang khüp vä.

ISAIAH 65:2

Ami mätah hteh nak hlü ung hteit ne, m’lung ling ne cheishoh ciah ka chang gui cu, kei naw angtäi sei dou gui ge vai ah ka om ci nei.

THU PHLAAN 2:2

Nang ah bilawh cu ka hmat ci, nang naw a i hlawk ah nak tha nak, a i hlawk ah na ling k’tha la hniimgei nak a om cu kei naw ka hmat ci. Nang naw changshe gui kä na hniim gei nak gui hlawt la ang düihpüi ah kä kya lang ne, ana ng’düihpüi nei cik ci gui ah chang gui cu, ami hleeihlak dang khai ah nami k’tä gui cun phi kei naw ka hmat ci.

SAM 97:10

Bawipa naw akshe m’keih ci gui cu m’hni yum gui ci; Ani naw akchang gui ah ghin nak cu shungvong ci. Chang ashe ah huham ungka ani naw gung gui ci.

ROMAN 1:32

Cun ah om ciah chang gui cu sih nak ung hteit khai gui ciah Khanpughi ah thukhän cu ngami naw hmat ci gui. Cun ung phi, ami mät naw shin ah shekhaa gui ami bi bäng ah kä kyak ciah, acun ah mäih bik ci gui cun phi k’cang nak ci gui.

LAMKTU 23:12

A ngawi ung kho ngawi Judah chang amshah gui cu ng’cut ne ng’hmuh u netah, Paul kä mi ngawn pha ah chuih a i phi kä ei auk ah mi om khai cine k’bäi ci gui.

MATTHE 27:1

Kho ngawi hta sik ah taigüpa gui la ami ng’vai gui cu Bawipa Jesuh ngawn vai ah ng’ge ci gui.

MIKHAH 6:8

“Kä cun ung Bawipa naw mikmi am a i nik ciah na m’thein gui ci nei. Ani naw mikmi ung angyak hlü cu shin ah kyak ci: düng ci bi vai, m’hni nak m’dang vai, la m’lung neim nak awn mi Khanpughi ung ghin vai, gui ah kyak ci.

AMOS 5:15

Akshe gen vai, akni m’hni vai, man m’kawt ung dangh ciah taga nak nami hmuh vai. Pawih ba ne ghing ne ciah pakhui chang gui cu Bawipa naw chimgein nei gui hman khai nei.

JEREMIAH 8:6

Kei naw gaung na ne ka ning ngai gui ci, cnun ung phi nangmi naw düng ciah thu kä nami pyen ci. Nangmi ungka tumat naw phi nami cheishoh nak ah phäh ah kä nami a yä ci; nangmi ungka tumat naw phi “A i ah a hma ka bi ne?” cine kä nami ng’shik ci. A chang nü cu ng’tuk nak ung hteit khai ah ng’se ah ng’güüt ah mäih ah amät ah lam phäh phäh nami k’pang ci.

JEREMIAH 6:16

Bawipa naw a chang gui pyen ah gui ci, “Lam kyum gui ung ng’düi neta teng vä. Cau lam phyim gui la lam akni pi a hawi a om cu ng’shi gui vä. A cun ung hteit vä, dim deeih nak awn nami om khai.” Cun ung phi ngami naw, “Kaa, kä ka mi hteit khai!” cine pyen ba ci gui.

NG'THU K'THUUK~ 24:23

Cüivai ci naw shin cha ah phi thu pyen ci; vangtäng kumtu ne m’khoichak ciah suki cu hma ci.

SAM 52:3

Nang cu akni ah ta, akshe na m’hni pi ci, düng nak ah ta, hleei nak na m’hni pi ci.

SAM 38:12

Kei na ngawn hlük ci gui naw cun cuung ne na mah u ne; Na m’kat hlük ci gui cu akshe ah pawng ci gui nei. Ngami naw kä ng’düm phung ne kei cu na hnu ng’tuk püi ci gui.

JOB 15:16

Chang naw akshe cu tui ah mäih ah awk ci, Chang cu akcang ah cheishoh ci, alä maih ah kyak ci.

ESTA 6:4

Ghangpughang naw, “Mang im kyong ah kaa bawi tumat mat om ne ang?” cine ng’shi gui ci. Tuhbäi Haman cu mang kyong ah lut lawk ci, ani naw Mordekai cu ng’awh tung ung m’awh ge vai ah ghangpughang ah k’thäh khai ah lawk ciah kyak ci.

ESTA 5:14

Cun ah kyasei a chu la a teihpüi gui naw m’cäi tu u ne, “Nang naw ng’awh k’tung, metre m’ku lei goi ah hlüng ci cu, ng’lin sak gui ä. Ngawi ung khaw ngawi shin ah tung ung, Mordekai cu m’awh vai ah ghangpughang ah na k’thäh vai, cun kawn ah nang cu mang ei ei vai ah yeikyai ne na hteit khai nei” cik ci gui. Haman naw cun ah ami pyen cu bä ciah ngai neta ng’awh tung cu ng’ling ci.

1 SAMUEL 19:11

A cu mü David cu a im ung mah ne, akhaw ngawi ung ngawn khai gui ah chang gui tüi gui ci. David akchu Michala naw am cäi cu, “Tuhmü kä na dawng ah a kyak ung ngawi ung na sik khai.”

NG'THU K'THUUK~ 24:2

Khüikha nak bi vai cu angtäi ah ngami ah ngaih-tüh ah kyak ci. Akhin päng ung chang tumat mat cu nat sak vai ah ami shai m’an ci gui.

JEREMIAH 4:22

Bawipa naw pyen ci, “Kei ah ka chang gui cu anglam ci gui; ngami naw kä na hmat ci gui. Ngami cu gu ciah a hmawhta gui ah mäih ah kyak ci gui; ngami ung hmuhmat nak kä om ci. Ngami cu akshekha bi nak ung bi thei aih ci gui, cun ung phi akni bi nak ung shum ci gui.