SAM 34:5 - Cho Bible Common Language 2016

⁵ Ami shedam nak ah chang gui ani teng ne, yei ci gui; Ngami cu kä cäi ng’ä phung khai gui.

SAM 34:5 Referans Kwoze

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

SAM 25:3

Nang ung ng’ap ci gui ah khan ah thui ng’a nak kä om en sä, Ning küknet püi ci gui cu thui ng’a u sä.

SAM 18:28

O Bawipa, nang naw akdei na na pek ci, Ka hmüp nak cu na dei sak ci.

SAM 97:11

Düng ciah khan ah akdei cu ng’shü ne, nik ciah khan ah yeikyai nak om ci.

SAM 36:9

Nang cu ghin nak avan ah ang yung ah na kyak ci, nang ah akdei ung keimi naw akdei kami hmuk ci.

ISAIAH 60:5

Nang naw cun cu hmu neta, na yeikyai khai nei; Nang cu cäicat ne na ng’thüng khai nei. Chang pakhui gui ah khawh cham cu nang ah law püi khai gui nei; Ami bühmang nak cu tuinu kan law ne, gawk lawk khai nei.

ISAIAH 45:22

“Khomdek khan ung om ciah chang avan kei ah ng’hlat law vä, hun nak nami gah khai nei! Kei bäing nei khanpughi ah ka kyak ci.

SAM 13:3

O Bawipa ka Khanpughi, na teng ä, na m’shang ä. Ka tha gui na be ba sak ä, kä na sih en sak ä.

SAM 83:16

O Bawipa, ami hmai cu thui ng’a nak awn uk gui ä, na huham cu hmuhmat sak gui ä.

ESTA 8:16

Jew chang gui cu yeikyai u ne, tholet u ne, lünlawi ne näng m’khüt nak om ci gui.

2 SAMUEL 19:5

Joab naw ghangpughang ah im ah hteit neta ani am a pyen nak cu, “Tuh ngawi nang na chang gui cu na ng’a sak gui ci — na hnun ning hun ci gui, na htapami gui, na hta hnumi gui, na chu gui la na chu bawk gui ah hnun hun ci gui ah chang gui.

1 SAMUEL 23:13

David la a chang gui phia chuk cu, keilah ang ghitah naw u ne, a hei ah ng’nawn ci gui. Keilah ungka David ni ami dawng cu Saul naw ng’ya neta, a pawng püi cu m’lung si ci.

SAM 3:5

Kei cu ng’yän ne ka ip ci, Bawipa naw amü pum na m’htei ci.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

SAM 50:23

M’hlüngtai nak khawihnah ne bik ciah chang cu, kei na m’taam khah ciah kyak ci, kei na läk ciah chang phung cu akcang ah ka hun khai nei.

SAM 138:3

Kei naw ka ning khü ung nang naw na na m’shang ci; Na tha gui awn thagui na na k’be ci.