SAM 34:21 - Cho Bible Common Language 2016

²¹ Changshe cu akshe naw ngawn khai; Ng’düng ciah chang thüi nak ci cu, m’kyuk nak om khai.

SAM 34:21 Referans Kwoze

SAM 94:23

Ani naw ami shetkat ah hmawk ah m’kyuk gui ne, ami cheishoh ah hmawk ah m’di gui khai; Bawipa mi Khanpughi naw m’di gui khai nei.

2 THESSALONIAN 1:9

Ngami cu angtäi sei geinvai nak ah shetkat nak ung yaica khai gui, cun cu Bawipa awn ng’pai nak la abawimang nak awn ng’shawng nak ah kyak ci.

ISAIAH 3:11

Cun ung phi changshe gui cu ami khomü khai, chang hei ah khan ung ami bi ah mäih ah ami khan ung gawk law ba khai.

NG'THU K'THUUK~ 24:16

Düng ciah chang cu a i chü vei a kyuk ung phi a i ah kä kyak ci. Angtäi sei tho ba ci, cun ung phi chang shekha cu leigai naw m’di ci.

SAM 89:23

Kei naw a ga gui cu ka deng khai, ani gen ci phung cu ka ngawn khai.

LUKA 19:14

Cun ung phi a kho ung ak chang gui naw, ani cu m’thüi na u netah, ‘Ani ah uknak kä kami ng’ya hlük ci nei’ cine ng’shä tüi ne pyein lawk ci gui.

2 THESSALONIAN 1:6

Khanpughi naw düng nak cu bik khai; ning yaica sak gui ci cu, yaica nak pe gui khai.

LUKA 19:27

Cun kawn ah kei ah uknak kä ng’ya hlük ciah kei ah gaa gui cu, kama ah lawpüi ne ngawn gui vä, cine pyein ci” cine m’thein gui ci.

SAM 40:15

Kei na gaih tuk ciah chang gui cu shuh ghawi ne, tüüp ne om u sä.

1 SAMUEL 31:4

Ani naw ali htei kawt ciah changnong am, “Na khim phawng ne, kei na ngawn ä, cun ung shin ah Khanpughi kä yum ciah Philistin gui naw yei ne kä na ngawn khai gui” cik ci. Cun ung phi cun ah chang nong cun bi vai ah ang htei ah kyik ci. Cun ah kyasei Saul naw amät ah khim phawng ne, amät ng’tawk ci.

JOHAN 7:7

Khomdek chang naw nangmi kä ning thüi na gui ci, cun ung phi ngami ah shetkat nak cu, kei naw m’dang ne pyein ngä sei, kei cu na thüi nak ci gui.

1 GHANGPUGHANG GUI 22:37

Ghangpughang Ahab cu sik ci. A gook cu Samaria ah hteh püi ba ne, k’phuh ci gui.

1 GHANGPUGHANG GUI 22:8

Ahab naw, “Tumat om ba ci nei, Imlah ah hta Mikaiah. Cun ung phi ani cu ka thüi nak ci, kei ah phäh ah a i phi akni ah kä ng’cäbang man ci; akshe ah va ang’täi sei pyen ci” cik ci. Jehoshaphat naw, “Cun ah kä na pyen vai” ciah pyen nak ci.

PHYAWN NAK 20:7

“Ka ng’ming cu akshe ah kä nami mang vai, ka ng’ming akshe ah mang ci phung cu, Kei, Bawipa nami Khanpughi naw ka m’kyuk khai.

PHYAWN NAK 12:46

Ei avan cu ami shon cih nak ah im kyong ung ei vai, ak pung ah kä luh püi vai. Sei me ah guh cu api ah phi kä ci gep vai.

SAM 20:8

Cun ah chang gui cu ng’neim ne kyuk khai gui, cun ung phi keimi läi cu tho ne kami düi khai.