SAM 34:18 - Cho Bible Common Language 2016

¹⁸ Thüi kyap ci gui cu Bawipa naw ng’et püi gui ci, A ngaih u nak mäih cicu hun phyawn ci.

SAM 34:18 Referans Kwoze

SAM 147:3

Ani naw am lung kyong di ci gui cu gai sak gui ne, ami leim cu hlawp pe gui ci.

SAM 145:18

Ani naw ani khü ci gui la m’lung neim nak awn khü ci gui cu k’et gui ci.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

SAM 51:17

O Khanpughi, kei ah khawihnah nak cu, ng’gäi ciah m’lung nei. Nang naw ng’gäi ciah m’lung la ng’yu ba ciah m’lung cu kä na nawng düt ci nei.

EZEKIEL 36:26

Kei naw nangmi am m’lung akthai, ngaih akthai ka ning pe gui khai. Kei naw lung ah liu ciah nami m’lung liing cu ning lak pe gui ne, beik ng’yak nak ah m’lung cu ka ning pe gui khai.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

SAM 85:9

Ani m’taam khah ci phung cu akcang ah hun ge ci nei, Ani ah hun phyawn nak cu mi kho ng’lei ung puipa khai nei.

ISAIAH 55:6

Bawipa ah ng’hlat ne, ani ah k’taigü vä, Tuhbäi ani cu ng’et pyi ci nei.

LUKA 4:18

“Khanpughi ah Mumcha cu kei khan ah gawk law pyi ci, Geinvai ci gui-am Thu Ni m’thein gui vai ah Kei cu na ghü pyi ci, Thawng ung kium ci gui ah phiawn nak vai, A mik m’dauh ci gui ah m’dei ba nak vai la Shedam nak gah ci gui ah phiawn nak vai ah mawng shäu ne pyein vai ah kei cu ghü ne na tüi pyi ci

SAM 119:151

Cun ung phi Bawipa, nang cu kei awn na ng’et ci, Na thumkhän gui avan cu khäng ci.

2 GHANGPUGHANG GUI 22:19

Nang cu ng’yuu ba ne, kei ah ma ah na m’lung na ng’neim sak ci, kei naw Jerusalem la a chang gui, ka m’kyuk gui khai, cicu ng’ya neta na sui k’teek ne, na kyap ci. Kei naw cun cu kyihkyawk vai ah ka bik khai, shin ah hmun ah aming cu chang gui naw plah tam nak ah mang khai gui. Cun ung phi nangmi ah taigü cu kei naw ka ng’yak ci,

EZEKIEL 36:31

Nangmi naw akshekha nami bilawh la chei ci gui. Nami bilawh cu nami shümba khai, nami katnak gui la nami chei nak gui ah phäh ah nami mät naw nami mät ning shemshai gui khai.

SAM 75:1

Ka mi ning m’taam ci nei, Khanpughi, ka mi ning m’taam ci nei! Na bäimang nak cu ng’shäu u ne, cäi aih vai na bi gui cu kami pyen ci nei.

2 GHANGPUGHANG GUI 20:5

Bawipa ah chang gui uk ciah Hezekiah ah va hteit ba ne, na pyen nak vai, “Kei, Bawipa, na pughi David ah Khanpughi naw na taigü cu ng’ya ne na ng’phli tui cu ka hmuk ci nei. Kei naw ka ning gai sak khai, a hnüüp thum ung nang cu Taigüim ah na hteit khai.

SAM 18:7

Khanpughi cu m’lung she sei, khomdek thüng ne, khomhtung ng’nawi gui cu ng’hlet ne ng’ng’tum ci gui.

SAM 145:19

Ani m’tamkhah ci gui ah ami ng’yak hlü cu petak gui ci; Ani naw ami kyah cu ng’ya ne hun gui ci.