SAM 34:12 - Cho Bible Common Language 2016

¹² Yeikyai ne ghin nak nami ng’yak hlü naw? Ak sho ghing ne nami pui m’ca hlü naw?

SAM 34:12 Referans Kwoze

THULÄÄN NAK 30:20

Bawipa nami Khanpughi cu m’hni yum vä, a bet ng’yah vä, bekhüt vä, cun ung nangmi ah nami htangshong gui cu nami pughi gui Abraham, Issak, la Jakob am apet ah kho ung ghi ne nami ghing khai.

THULÄÄN NAK 6:2

Nangmi nami om ah chuih nangmi la nami htangshon gui naw Bawipa nami Khanpughi cu m’tamkhah u ne, kei naw ka ning pek gui ah thumkhän avan cu nami läk vai, cun ung nangmi cu cun ah khaw ung akshou nu nami om khai.

THUSHÄUTU 3:13

Mikmi, mi van naw, ei ne, aw ne, mi bi lawh gah tang awn yeikyai vai ah kyak ci. Cun cu Khanpughi ah m’cümhnah nak ah kyak ci.

SAM 91:16

Aksho ghin nak cu m’cümhnah gui ne, kei naw ka hun gui khai.”

SAM 4:6

Taigü ci chang akda om ci: “Hrilham ak dapi na pe gui ä, Bawipa. Na k’dük nak awn na teng gui ä!”

JOB 7:7

O Khanpughi, na shüm ä, kei ah ka ghin nak cu ng’ghi nak bäng ah kyak ci nei; kei ah yeikyai nak cu ng’pyi ci nei.

THUSHÄUTU 12:13

Shin gui avan kawn ah pyen vai tumat bäng om ci; Khanpughi kyih aa ne, ang thumkhän cu läk vai, a i ah kyasei ci ung a cun vai ah chang avan cu a tüisho ah kyak ci.

THUSHÄUTU 2:3

Cüivai nak ng’yak nak hlü cu gah nak vai ah, sapyit tui aw ne hüithaw ne, a khin k’ni gah vai ah ka k’bäi pyi ci nei. Cun cu khomdek khan ung chang gui naw ami ghin nak aktawi ami ng’pyi sak nak vai ah, akni pi ah ka ngai man ci nei.

SAM 21:4

Ghin nak ning yoi sei na pek ci, ang’shäi ghin nak la angtäi ghin nak ah kyak ci.

ATÜNNAK 49:2

Jakob ah hta gui law ne ngai law vä. Nami pa Israel ah ng’thu cu ngai vä.

1 SAMUEL 12:23

Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.

JOB 33:33

Cung phi cun ah kä a kyak ung kei cu na ngai ä. A i hawkcha ah cüivai ne om vai cu kei naw ka ning m’thei khai nei.

NG'THU K'THUUK~ 4:20

Ka pyen cu na geing nak vai, ka hta, ka ng’thu na ngaih vai.

NG'THU K'THUUK~ 7:24

Tuhbäi ka hta na ngai ä, a i ka pyen cu na geing nak vai.

NG'THU K'THUUK~ 9:10

Khanpughi kyioh aa nak cu cüivai nak ah a phung ang yung ah kyak ci. Atheingcim Bawipa hmat nak cu hmuhmat nak thei ah kyak ci.