SAM 34:10 - Cho Bible Common Language 2016

¹⁰ Kawng hlui cu a ei vai kä om se a cawi ung phi, Bawipa läk ciah chang cu ni kyom nak kä shum khai nei.

SAM 34:10 Referans Kwoze

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

MATTHE 6:32

(Khanpughi kä yum ci gui cu acun ah ng’ä ai ci gui nei.) Khankho ah om ciah nami Pa naw, cun gui nangmi naw nami ng’yak hlü cu avan hmat ci.

SAM 104:21

Phong kawng nong gui cu m’ngaw ne ng’shui ci gui, Ngami cu Khanpughi ah pek gui ah ei shui ci gui ah kyak ci.

SAM 23:1

Bawipa cu ka htoshäm ah kyak ci; Kei cu kä ka dukhaih ci.

SAM 33:19

Ani naw sihnak ung ka hun gui ne, kho ah shet sang ung ghin nak pe gui ci.

SAM 112:3

Ani ah kyongkhui cu bäkhäk bühmang khai, ani cu ngawi yä bä m’cam khai.

NG'THU K'THUUK~ 10:3

Bawipa naw changnicu ei kä cawi sak ci. Cun ung phi changshe gui ah ng’yak hlü cu sheet sak ci.

NG'THU K'THUUK~ 19:23

Bawipa cu na lak vai, cun ung akshou na ghing khai, bühbei ne leigai na phyawn nak khai,

NG'THU K'THUUK~ 22:4

Bawipa cu läk äm’lung neim sak ä, cun ung na bühmang khai, m’tamkhah nak na gah khai, akshou na ghing khai.