SAM 34:1 - Cho Bible Common Language 2016

¹ Kei naw angtäi sei Bawipa ka yei nak khai nei; kä düm phung ne ka m’taam khai nei.

SAM 34:1 Referans Kwoze

1 THESSALONIAN 5:18

amawng ama avan ung Khanpughi cu m’hlüngtai vä. Bawipa Jesuh Khrit ung kawng ät ne nami ghin nak awn cun ah nami bi vai ah Khanpughi naw ng’ya hlük ci nei.

KOLOSE 3:17

Nami bi nüng nami ng’thu nüng cu Bawipa Jesuh ah ming awn nami bi vai, Cun cu ani ah ming awn Pa Khanpughi nami m’hlüngtai ah kia ci.

EPHESIAN 5:20

Mi Bawipa Jesuh Khrit ah ming awn, amawng ama avan ung, Pa Khanpughi cu nami m’küito vai nei.

SAM 71:8

A hnüüp pum ning m’taam ne, na bäimang nak cu ka ng’shäu ci.

2 THESSALONIAN 2:13

Phäi nau gui aw, Keimi naw Bawipa naw a ning m’hni gui ah nang mi ah hmawk ah angtäi sei Khanpughi cu kami m’kümto khai nei. Khanpughi naw nangmi ak htük bäih ah hun nak nami gah khai ah a ning khü gui cu, Mumcha Theing ah hlüngtai nak awn theingcim ciah akchang ah nami kyak ah hmawk la cacim nami yum ah hmawk ah kiak ci.

LAMKTU 16:25

Khomü cawih ah Paul la Silas cu taigü ni ne, Khanpughi m’hlüngtai ne ng’äi m’cu ni sei, a hei thawng kyum gui cun naw ngai tuk ci gui.

SAM 71:6

Kei ka ghin nak chuih nang ung ka om ci; kei ka ng’tüi law ge ung nang naw na na shungvong ci, angtäi sei ka ning m’taam khai.

NG'THU K'THUUK~ 29:25

Chang gui naw ami ning ngaih ah mäih ah na om ung kyih vai kyak ci, Cun ung phi Bawipa ung na ng’ap ung na phyawng gai khai.

2 THESSALONIAN 1:3

Phäi nau gui aw, nangmi ah hmawk ah angtäi sei Khanpughi cu kami m’kümto ci nei. Cun ah kami bi cu bä ci nei, a i ah kia sei ci ung, nami yum nak cu ng’ghotai law pi ne, nami ng’hni nak tu phi abäkhäk law pi ah hmawk ah kyak ci.

LAMKTU 5:41

Ang düihpüi gui cu Khanpughi naw Bawipa Jesuh ah hmawk ah hmai m’sheit nak aut khin ci gui ah ak bäi gui ah phäh ah yeikyai u ne kawngsi yungah ka hteit ba ci gui.

ATÜNNAK 20:2

ak chu Sarah cu abe ah pyen ne m’thein tu gui ci. Cun kawn ah Kera ghangpughang Abimelek naw Sarah cu la ne hteh püi ci.

ATÜNNAK 26:1

Abraham ah om yah ung khaw a shet ah mäih ah khaw she ba khäta, Isaak cu Kerara gawnu Philistin ghangpughang Abimelek ah om nak ah hteit ci.

1 SAMUEL 21:11

Ghangpughang ah a bawi naw Achish am, “Shin ma David, a khaw ung ghangpughang ah kyak ci? Hnumi gui naw ng’äi m’cu ne ami ng’lam ung, “Saul naw phia gha ngawn ci, cun ung phi David naw phi gha ah a gha ngawn ci” ami cicu shin ah chang ah mawng nei.