SAM 33:7 - Cho Bible Common Language 2016

⁷ Ani naw tuinu gui cu hmun ät ung kyum sak ci; Tuili küi phi khai ne li ät ah büi ci.

SAM 33:7 Referans Kwoze

JOSHUA 3:16

tuinu cu kä long ba ne ng’düm ne hang bäm ci, Zarethan ah pei, Adam mang gaw güt ah hang li ci. Tuisen tuinu ung yu kyum ciah tuinu cu pit ne sün sei, chang gui cu Jerikho pei ah va kai ci gui.

PHYAWN NAK 15:8

Nang naw muh ci sei tuinu cu ng’hnawk ne ng’plaak ci; cun cu k’paang ah mäih ah ng’taai ci;

JOSHUA 3:13

Khomdek avan ah Bawipa ah Thukhän M’küm kawt ciah taigü gui naw ami khaw awn tui ung ami ng’leh ah a kyak ung, Jordan tui a lon cu düm khai, long ciuah tui cu vangtäng ah ng’bum yawp khai.”

HABAKKUK 3:15

Na ng’se gui awn tuinu na kai nak ci, chün ciah tuinu cu m’naw ci nei.

JEREMIAH 5:22

Kei Bawipa nei, a i ah kyasei kä nami na kyih ang? A i ah kyasei kei ah ma ah kä nami ng’hlet ang? Kei naw tuinu ah khogii nak ah lawigin ka tha ci nei, cun cu ng’täi ciah khogii, ai naw kä a kan hlawt ah kyak ci. Tuinu cu ng’hnawk ci, cun ung phi cun naw kä phlän hlawt ci, tui hnawk cu hmum ci, cun ung phi cun naw kä m’shet hlawt ci.

NG'THU K'THUUK~ 8:29

Tuinu ung tui gui naw ani ah pyen nak phlän ne kä ami k’plüm vai ah phäh ah kyak ci.

JOB 26:10

Ani naw hmüp khui ungka akdei cu m’cha ne, tuinu ah khan ah khongvei cu tha ci.

SAM 78:13

Ani naw tuinu k’pai ne hteh sak gui ci; tui cu k’paang ah mäih ah ng’lim sak ci.