SAM 33:6 - Cho Bible Common Language 2016

⁶ Bawipa naw khankho cu ang thumkhän awn tüisho ci, Hni, cha, aisi gui phi ang thu awn tüisho ci.

SAM 33:6 Referans Kwoze

HEBRU 11:3

Kä hmuh hning ungka naw hmuh hning ah dang lawk khai ah Khanpughi naw ang thuküi awn Khopuui atüisho cu, yum nak awn mi hmat ah kyak ci.

2 PETER 3:5

Khanpughi naw khan mawpi la khomdek cu ang thu küi awn atüi pian la khomdek cu tui ungka tui awn apian ah mawng,

JOB 33:4

Khanpughi ah mümcha naw na pyang tham ne ghin nak na pek ci nei.

SAM 33:9

Ang thu m’gawng ung ka khomdek cu ng’tüisho ci, ang thum khän ung ka apäng dang lawk ci.

ATÜNNAK 2:1

Cun ah khawpükpüi avan a tüisho cu pyi phleh ci.

ATÜNNAK 2:7

Cun kawn ah Bawipa Khanpughi naw m’dek cu la ne chang ah pyang neta, a hngakhawng hnun ghin nak cu yuk muut khäta, ani cu chang ghing ah kya lawk ci.

JOHAN 20:22

Cun kawn ah Bawipa Jesuh naw ami khan ah phyuh theh netah, “Mumcha Theing cu dou vä,

ATÜNNAK 1:6

Cun kawn ah Khanpughi naw, “Tuinu ah ng’lung ung khomik dang law sä” ci netah;

JOB 26:13

Ani naw ang ghi awn khankhomik cu ng’ciim sak ne a kut awn tuinu k’phyu ng’hlui cu ngawn ci.

ATÜNNAK 6:7

Khanpughi cu amlung thüi sei a yä neta, “Ka tüisho ah chang, phyu kha akghing avan cu ka ciin sak yawp khai, shin gui ka tüisho ah phäh ah ka ng’yuu ba ci nei” cik ci.

ROMAN 1:25

Ngami naw Khanpughi ah ng’düng nak cu ak she awn m’thawng ci gui, ngami naw tüi sho ciah Khanpughi cu nawng en u ne, a tüi sho gui düt cu khawihnah ci gui. Cun ah Bawimang cu angtäi sei hlüngtai sä! Amen.

SAM 104:30

Cun ung phi nang naw ng’ghi nak na pek gui yah ung na tüisho gui ah kyak ci. Khomdek am ghin nak akthai na pek ci.

ATÜNNAK 1:1

Akhtük bäih ah Khanpughi naw khankho la khomdek cu tüisho ci.

THULÄÄN NAK 4:19

Khawmik ung nami hmuh cu khawihnah ne abii bi ne tüihtok nak kä nami bi vai — hni, cha, aisi, Bawipa nami Khanpughi naw a hei chang gui am, ami khawihnah vai ah a pek gui ah kyak ci nei.

JEREMIAH 8:2

Bum ne phuh nak vaisü ung ami guh gui cu eek ah mäih m’dek ung ng’zän khai gui. Cun gui cu ng’zaih düt u ne, hni ni, cha ni, aisi ni gui ah ma ah ng’pho khai gui, cun gui cu shin ah chang gui naw m’hni gui ne, abii bi u ne, ng’shi k’thah gui ne, ami khawihnah gui ah kyak ci.

JEREMIAH 10:16

Jakob ah Khanpughi cu cun gui ah mäih ah kä kyak ci; ani cu apäng tüipyang ciah tumat nei, ani naw Israel gui cu amät ah chang tu k’cang ah ghü gui ci, m’gäi ciah Bawipa cu ani ah ming nei.