SAM 33:4 - Cho Bible Common Language 2016

⁴ Bawipa ah ang thu cu ng’düng ci, a bi lawh phung cu khäng htek ci.

SAM 33:4 Referans Kwoze

SAM 12:6

Bawipa ah a shaitak cu a ng’ciim ah kyak ci; Cun cu mei hungling ung chih vei shong ne ami m’cin ah ngui ng’siing ah mäih ah kyak ci.

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

SAM 119:75

Bawipa, na m’khoi cha nak ng’düng ciah ka hmat ci nei, Nang cu na bekhüt ci kya ne kei cu na na m’kyuk ci nei.

SAM 19:8

Bawipa ah thumkhän gui cu düng ci, läk ciah chang cu yeikyai sak ci. Bawipa ah thumkhän taga ci, m’lung kyong ung lung’lang nak pek ci.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

NG'THU K'THUUK~ 30:5

Khanpughi naw abi ah shaitak phung cu k’pang khek ci, Ani ah shungvong nak shui ciah chang avan ah phäh ah ani cu shawi ah kyak ci.

SAM 119:128

Cun ah kyasei, kei naw na m’shüm thein avan cu ka läk ci; akshe lam avan cu ka thüi nak ci.

ROMAN 7:12

Cun ah kya sei thukhän cu theing cim ci, thukhän cu ng’cim ne, ng’düng ne, nik ci.

SAM 96:13

Cun cu Bawipa law ne khomdek a uk law ung ah kyak khai nei. Ani naw hnicim chang gui cu düng nak la ni kyom nak awn uk khai nei.

ATÜNNAK 24:27

“Bawipa cu m’hlüngtai nei, ka bawi Abraham ah Khanpughi naw, ka bawi ung shai ataak cu bekhüt ne k’pang ci nei. Bawipa naw kei cu ka bawi ah khochang gui ah na hteh püi ci nei” cik ci.

MIKHAH 2:7

Israel chang gui cu taam gui khai ah nami ngai ne ma? Bawipa ah hnimgei nak maih hning khai ma? Cun ah mäih ah ani naw akcang ah bik khai ma? Düng ciah chang gui cu m’gein ne kä ng’thu khai ma?” ciah kyak ci.

SAM 25:10

A shaitak ngai ne, ang thukhän läk ci gui cu, bekhüt nak la m’hni nak awn lam shüm gui ci.