SAM 33:21 - Cho Bible Common Language 2016

²¹ Mikmi cu ani ah hmawk ah mi yei ci; aming theing ung mi ng’ap ci.

SAM 33:21 Referans Kwoze

SAM 13:5

Kei naw ng’täi ciah na m’hni nak cu ka yum ci nei. Na na hun ah hmawk ah ka yei kyai khai nei.

ZEKHARIAH 10:7

Israel chang gui cu gakap ah mäih ah thamah khai gui; Sapyit tui awk ciah chang ah mäih ah yeikyai khai gui. Ami htangshon naw shin ah näng nak cu gah khai gui, Bawipa ah bii bi ah hmawk ah yeikyai khai gui.

THU PHLAAN 4:8

Cun ah khiküi paphli cu, ami ng’phia pachuk ci lawk ci, ami pum akpung akyong avan ung mik bäng ah kyak ci. Amü ak hnüüp ngami cu kä ng’düm phung ne ng’äi m’cu u ne; “Aktheing, aktheing, aktheing cu Bawipa nei, Hlüngtai pi säih ne, Zanta, tuhngawi, ngawi yä angtäi ghing ciah Khanpughi nei,” ci ne m’kümtou ci gui.

JOHAN 16:22

Nangmi tuhbäi nami thüisei ci, cun ung phi kei awn mi ng’hmu ba mä khai kyasei nami m’lung cu yeikyai nak awn be khai, cun ah yeikyai nak cu hnicim chang naw kä m’shet hlawt khai.

ISAIAH 25:9

Cun ah a kyak law hnüüp ung chang nü naw pyen khai, “Ani cu keimi ah khawpnghi nei! Ani keimi kami ngaih gep ci nei, ani naw na gung gui ci nei. Ani cu Bawipa nei! Ani ung keimi kami ngaih gep ci nei, tuhbäi keimi kami yeikyai lün lawi ci nei, a i ah kyasei ci ung ani naw keimi nah un gui pyi ci nei.

SAM 28:7

Bawipa naw na shung ne na vong ci; Ani cu ka ngaih u ci. Ani naw kei cu nam htei ne, na yei sak ci; yeikyai nak ng’äi awn kei naw ka m’taam ci nei.

1 SHONTÄP NAK 16:10

Ani ah chang ah mi kyak ci kyasei yeikyai vä; Ani khawihnah ciah chang avan yeikyai sä!

1 SHONTÄP NAK 16:35

Ani cu pyen ah vä, “Na hun gui ä, Khanpughi kami Hunbawi; a täng ah nak bum gui ä, chang pakhui gui ung keimi cu na gung gui ä, Cun ung keimi naw ning yei na u ne nang ming theing kami m’tam khai nei.”