SAM 33:2 - Cho Bible Common Language 2016

² Bawipa cu tingtäng tum ne hlüngtai vä. Gui awn pyan gui tum ne, ng’äi m’cu vä.

SAM 33:2 Referans Kwoze

SAM 144:9

O Khanpughi, kei naw ng’äi k’thai ka ning m’cu khai nei; kei naw tingtäng tum ne ng’äi ka ning m’cu khai nei.

PHYAWN NAK 15:20

Prophet Miriam, Aaron ah be naw hting sheei tum ne ma sei, hnumi gui ami van naw hting sheei tum ne ng’lam ne läk ci gui.

THU PHLAAN 14:2

Khanmawpi ah ng’güüt ciah tuinu la khaw ng’hmum ah mäih ah ng’shan ciah k’aw cun phi ka ng’yak ci.

THU PHLAAN 5:8

Cun ah a lak vai-am khiküi paphli la aghaampa m’ku-lei-phli cu, htomehta ah maa ah kawp yawp u ne, ak chang sing naw tingtäu bäng bäng la Khanpughi ah chang gui ah taigü nak ah kya ciah tui ng’uui awn be ciah ghui eikbei gui cu kawt sek sek u netah,

SAM 92:3

gui awn pyan ah tum khawn la ak aw nik ciah tingtäng tum ne ning m’taam cu bä aih ci nei.

1 SHONTÄP NAK 25:6

A hta pami gui ami van naw ami pa ah m’shümthein ah ka ung Taigüim ung khawihnah nak ung tingtäng ni ng’sheei ni cu tum ci gui. Asaph, Jeduthun la Heman ni cu ghangpughang ah thukbäi ah mäih ah bik ci gui.

1 SHONTÄP NAK 25:3

Jeduthun ah hta pami chuk: Kedaliah, Zeri, Jeshaiah, Shimei, Hashabiah, la Mattithia. Ami pa ah m’shümthein nak awn ngami naw Khanpughi ah ng’thu ng’shäu u ne, tumkhawn ah tingtäng tum u ne, m’hlüngtai ne ng’äi u ne, Bawipa yei nak ci gui.

1 SHONTÄP NAK 15:28

Cun ah kyasei Israel chang gui ami van naw yeikyai ne m’lau u ne, phyungheng ni, phyung puuk ni, ng’sheei ni, tingtäng harp ni tum ne Thukhän M’küm cu Jerusalem ah law püi ci gui.

1 SHONTÄP NAK 15:16

David naw Levit ami ng’vai gui am thumkhän pe gui ne, Levit päng naw ng’äi m’cu ne yeikyai ne k’bei ni, ng’sheei ni ami tumkhawn vai ah pyen sak gui ci.

2 SAMUEL 6:5

David la Israel chang van cu aktung ah ng’lam ne ng’äi ne Bawipa cu m’tamkhah ci gui. Ngami cu tingtäng, mawng cha, k’hting, k’phyung heng, ng’sheei gui cu tum ci gui.

SAM 149:3

Ng’laam ne ang ming cu m’tam vä; k’hting la k’bei tum ne Bawipa cu m’tam vä.

SAM 71:22

Kei naw akcang ah tingtäng tum ne ka ning m’taam khai; ka Khanpughi, na bekhüt nak ka m’taam khai. Israel gui ah a theing pi, tingtäng tum ne, ng’äi m’cu ne ka ning m’taam khai.

SAM 92:4

O Bawipa, m’gäi ciah na hnünthawh nak naw, na yei sak ci; Na bi gui ah hmawk ah yei ne ng’äi ka m’cu ci.