SAM 33:16 - Cho Bible Common Language 2016

¹⁶ Ghangpughang naw huhamah ciah gamaw awn näng nak kä gah ci, Bawi gaakap naw ghat ciah k’thagui awn m’khüt nak kä hmuk ci.

SAM 33:16 Referans Kwoze

SAM 44:3

Na chang gui naw ami mät ah chim awn cun ah kho cu kä näng hlawt ci gui; Ami mät ah huham la k’thagui la na om ah mawng ang kheing sak nak awn, acun naw na m’hni nak gui cu dang sak ci.

JEREMIAH 9:23

Bawipa naw pyen ci, “Cüivai ci gui naw ami cüivai nak awn kä ami khäh ghah vai, Gai gawng ci gui naw ami thagui awn kä ami khäh ghah vai, büh mang ci gui naw ami khawh awn kä ami khäh gha vai.

2 SHONTÄP NAK 20:23

Ammonit gui la Moabit gui naw Edomit gui cu tu gui u ne m’di gui ci gui, cun kawn ah ami mät ak hnu ah ng’tuk ci gui.

SUKI GUI 7:2

Bawipa naw Kideon am, “Midianit gui ah khan ah kei naw näng nak ka pek gui vai ah kei ah phäh ah nang ah na chang gui cu da aih ci gui. Ngami naw ami mät näng hning ci gui ah ngai khai gui, kei ah bä nak cu kä hmat khai gui.

PHYAWN NAK 14:28

Tui cu ng’hlat ne yatha gui, ng’cum ci gui la Egypt gakap gui ami van cu hteh gui ci. Ngami naw tui ah khüt ne Israel gui cu läk law gui ci gui ah kya ne tumat phi kä pawih ba ci gui.

2 SHONTÄP NAK 32:21

Bawipa naw khanchang tüi law sei, acun naw gakap gui la Assirian gabawi gui cu ngawn gui ci gui. Cun ah kyasei uktubawi cu thüi aa ne Assiria ah htet ba ci. Hnüp ät ung ani cu a khanpughi ah Taigüim ung a om yah ung a hta gui amshah naw ami khim awn ngawn ci gui.

2 SHONTÄP NAK 20:12

Nang cu kami Khanpughi ah na kyak ci nei, m’kyuk gui ä. Na tu law gui ciah gakap ak tung ah ma ah amgein kaa ah kami kyak ci nei. Keimi a i ah kami kyak vai kä kami hmat ci, cun ung phi na na m’htei gui vai ah kami ning teng ci nei.

1 SAMUEL 17:4

Gath mang gaw ung ka Koliath ming nak ciah chang cu Philistin phung ung ka lut law ne Israel gui cu gheet taap gui ci. Ani cu dawng chuk la khap ah ng’sau ne,

JOSHUA 14:12

Cun kawn ah kei la ka chang naw ng’thu kani pyen law ba hnüüp ung, Bawipa naw shaitak ana pek ah kyasei, khawgui khaw cu na peä. Keimi naw kami ning m’thein ci, Anakim ciah chang dämcham pakhui gui cu, acu ah mang gaw däm gui vongpaang ne om ci gui nei. Bawipa naw kei cu na om püi khai nei. Bawipa naw a pyen ah mäih ah kei naw ka k’täm gui khai nei” cik ci.

1 GHANGPUGHANG GUI 20:10

Benhadad ah ka law ba ci: “Shin ah mang gaw m’di ne akhui akpi gui ami kut awn kawt ne hteh püi hning khai ah chang gui ka law püi khai nei. Cun ah kä ka bi ung khanpughi gui naw na m’sih u sä!” cine pyen ci nei, cik ci.

SUKI GUI 7:4

Cun kawn ah Bawipa naw Kideon am, “Na chang gui da ei gäk gäk ci nei. Ngami cu tui pei ah hteh püi gui ä, kei naw nang ah hmawk ah a cu ah ka k’pai gui khai nei. Kei naw nang awn a täng ah hteit tuk khai ah ka pyen ah chang cu hteit tuk khai, nang awn a täng ah kä hteit tuk khai ah ka pyen nak chang cu kä hteit tuk khai” cik ci.

1 SAMUEL 2:9

Ani naw bekhüt ciah ak chang gui ah hnun gui shungvong ci, Cun ung phi changshe gui cu hmüp khui ung maih ci gui; Chang naw amät ah k’thagui awn näng nak kä gah ci.

1 GHANGPUGHANG GUI 20:15

Cun ah kyasei ghangpughang naw khopäng gabawi gui ah aka ungka gakap changnong gui cu khü gui ci, ami van 232 lawk ci gui. Cun kawn ah Israel gakap gui cu khü gui ci, ngami cu phia chih-kip lawk ci gui.

2 SHONTÄP NAK 13:8

Tuhbäi nangmi naw, Bawipa naw David htangshon am a pek ah bawimang huham cu nami küknet ng’tuk püi ci. Nang ung gakap a khak om ci, nami khanpughi Jeroboam naw a pyan ah seipat hta ah gup phi om ci.

JOB 36:7

Ng’düng ciah chang gui cu ani naw shungvong gui ci. Ani naw ghangpughang ah mäih ah uk sak gui ne angtäi sei m’tam khah gui ci.

JOB 39:11

Nang naw dämduh ciah ani ah thagui cu na mang hlawt khai aw? Gih aih ciah nang ah bii cu na bi sak hning khai aw?

SAM 20:8

Cun ah chang gui cu ng’neim ne kyuk khai gui, cun ung phi keimi läi cu tho ne kami düi khai.

THUSHÄUTU 9:11

Kei naw ka hmat ah a hei tumat cu, shin ah khomdek khan ung, dawng gai ciah chang päng angtäi sei dawng kä näng ci, m’gäi ciah chang päng angtäi sei ng’tuk kä näng ci, cüivai ciah chang, angtäi sei kä gahtang ci, hmuhmat ciah chang päng angtäi sei kä bämang ci, m’khütnäng ciah chang päng angtäi sei bawi ah kä ngok ci. A chang päng ah khan ah akshe cu gawk law thei ci.

JEREMIAH 48:14

“Moab chang gui, a i ah kyasei nami mät cu chang m’gäi gui, ng’tuk näng pyi ciah gakap gui ah nami pyen ang?

HOSEA 10:13

Cun ung phi nangmi naw shet kat nak geit u new, Acun ah m’theih pai cu nami khäm ci, Nami mät ah hleeihlak nak ah am theih pai cu nangmi naw nami ei ci. “Nami yatha gui la da aih ciah nami gakap gui cu nami ngaih u ah phäh ah

AMOS 2:14

Dawng ah gai ci gui phi kä phyawng khai gui, chang thamah gui phi ami ktha maih khai, gakap gui naw phi ami mät ah hnun gui kä hun hlawt khai gui.

AMOS 2:15

Likaap gui cu ami ng’lei ung kä ng’düi hlawt khai gui, dawngah gai ci gui cu kä dawng hlawt khai gui. Ng’se cuum ciah chang gui naw ami hnun gui kä phyawn hlawt khai gui.