SAM 33:12 - Cho Bible Common Language 2016

¹² Khanpughi, Bawipa nak ciah pakhui cu yeikyai nak om ci; Ak chang ah a ghü ah pakhui cu yeikyai nak om ci!

SAM 33:12 Referans Kwoze

SAM 144:15

Shin ah hriham gah ciah pakhui cu, yeikyai nak om ci nei; Khanpughi, Bawipa nak ciah chang gui cu yeikyai nak om ci nei.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

EPHESIAN 1:4

Khanpughi naw khomdek kä a tüi pyan pha ge ung, mikmi cu Bawi Khrit ung kawng ät nak awn, a ma ah shetkat nak kä om sei theingcim ciah mi kyak vai ah a na ghü gui pyi ah kyak ci.

SAM 65:4

Na ghü ah chang gui la na phung ung om khai ah na ghü ah chang gui cu yeikyai u sä. Keimi cu na im kyong ung akni gui la na pum im theing ung na hriham awn kami ng’büh ci nei.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

THULÄÄN NAK 33:29

Israel gui, a i hlawk ah nami yei ci ang? Nang mi ah mäih ah Bawipa naw a hun ah pakhui a u kä om ci nei. Bawipa amät cu nami shawi la nami khim ah kyak ci. Acun naw ning shungvong gui ne, näng nak ning pe gui ci. Nami ga gui law u ne, nami chimgein gui vai ah ng’pa lawk khai gui. Nangmi naw nami kai na gui khai.

SAM 135:4

Ani naw amät ah hmawk ah Jakob cu ghü ne, Israel chang gui ci kaa na gui ci.

JEREMIAH 10:16

Jakob ah Khanpughi cu cun gui ah mäih ah kä kyak ci; ani cu apäng tüipyang ciah tumat nei, ani naw Israel gui cu amät ah chang tu k’cang ah ghü gui ci, m’gäi ciah Bawipa cu ani ah ming nei.

SAM 28:9

Bawipa, na chang gui cu hun gui ä, na chang gui cu hrilham pe gui ä. Ngami ah htoshäm ah kya ne, angtäi sei m’hteihtang gui ä.

PHYAWN NAK 34:9

Ani naw, “Bawipa, nang naw akcang ah na na yei nak ah a kyak ung, keimi awn a täng ah na hteh vai ah ka ning thäh ci nei. Shin ah chang gui cu m’lung ling ci gui, cung phi kami shet nak la kami katnak cu na m’geinsei gui ä, na mät ah chang ah na dou gui ä” cik ci.

THULÄÄN NAK 32:9

Cun ung phi Jakob ah htangshon gui cu, amät ah hmawk ah ghü gui ci.

2 SAMUEL 20:19

Kami mang gaw cu akdämduh ah kyak ci, Israel khaw ung ak ding gei pi la abekhüt pi k’bäih ah kyak ci. A i ah kyasei cu m’di vai ah na tha nak ang? Bawipa ah a ka cu adi vai na ng’ya hlük ci ma?” cik ci.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.