SAM 33:10 - Cho Bible Common Language 2016

¹⁰ Bawipa naw changpakhui gui ah tängpang cu haih ci; ami pawng püi gui phi m’hlat yawp ci.

SAM 33:10 Referans Kwoze

SAM 21:11

Ngami cu ami mät ah ngaih ah tängpang u ne, Ani cu hnu ng’tuk püi ci gui, cun ung phi kä näng khai gui.

ISAIAH 44:25

Kei naw cängbang ci gui cu akgu ah kyak sak gui ne, cecai ci gui ah pyen gui ka m’shet yawp ci. Cüivai ci gui ah ng’thu cu kei naw k’beng ne, Ngami ah cüivai nak cu gu-aang nak ah a kyak ah mawng ka dang sak ci.

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

2 SAMUEL 15:31

Ahithophela cu Absalom ah küknet nak ung ng’dawn tuk ci nei, cine David am m’thein u khäta, ani cu taigü ne, “Na bä ni, Bawipa, Ahithophela ah m’shüm thein nak gui cu a khawlä ah kyak sak ä” cik ci.

SAM 140:8

Bawipa, changshe gui am ami ng’yak hlü cu kä pe en gui ä; Ami ng’zih nak cu kä näng sak en gui ä.

SAM 9:15

Chang khuihei gui cu thai co u ne, a cun ung ng’kyak ci gui nei, Ami mät ah cun ung ami mät awk ci gui nei.

2 SAMUEL 17:23

Ahithophela naw ani ah m’shüm thein gui kä ami läk cu hmu neta, ang sela ung ng’cum ne, amät ah mang gaw ah hteit ba ci. Amät ah bi vai gui cu bi neta, amät ng’awk ne sik ci. Ani cu ami kyong ah phuh hmun ung m’cim ci gui.

ISAIAH 19:3

Kei naw Egypt gui pawngpüi gui cu a kholä ah kyak sak ne, ami m’lung ngaih cu ka m’di khai, Ngami naw, ngami m’hteinhtang gui khai ah agup gui cu ng’shi thäh khai gui, Ngami naw khaw ah kai gui ah hteit ne ng’shi k’ca khai gui, sik ciah mümcha gui cu am shümthein gui vai ah ng’shi thäh khai gui.

ISAIAH 44:23

Zei ne m’lau vä, nangmi khankhaw gui! M’lau vä, khomdek ung ak thuk pi ah hmun gui! Sing ghing gui avan lah khom’htung gui m’lau vä! Bawipa naw a chang Israel gui a hun nak awn, a däm-duh nak cu dang sak ci nei.

2 SAMUEL 17:14

Absalom la Israel gui ami van naw, Hushai ah m’shüm thein nak cu Ahithophela ah m’shümthein nak ah ta bä pi ci nei” cik ci gui. Ahithophela ah m’shümthein nak cu kä ami läk en vai ah Bawipa naw k’bäi ci, cun ah kyasei leibei cu Absalom ah khan ah gawk lawk khai.

2 SAMUEL 15:34

Cun ung phi na na kugam nak hning cu, mang gaw ah ng’hlat ne hteit ba ne, apa ah khut na bi ah mäih ah tuhbäi ani ah khut bekhüt ne na bik khai pyen ne, Absalom am na m’thein vai. Cun kawn ah Ahithophela ah m’shüm thein nak a pek gui cu avan na hnu ng’tuk vai ah na bi vai.

ATÜNNAK 11:8

Cun kawn ah Bawipa naw chang gui cu khomdek khan avan ung püi sak gui sei, mang gaw ami cawh cu kä co ba hlawt ci gui.

2 GHANGPUGHANG GUI 6:9

Cun ung phi Elisha naw Israel ghangpughang am ng’thu m’khäh ci, a cun ah hmun ah pei ah kä a hteh vai ah m’thein ci, a i ah kyasei ci ung Sirian gui cu a cung ami mah ah phäh ah kyak ci.

NEHEMIAH 4:9

cun ung phi keimi Khanpughi ah taigü u ne, ngami phyawn nak vai ah chang gui amü a hnüüp kami ngäng ci.

JEREMIAH 19:7

Acun ah hmun ung Judah chang gui la Jerusalem chang gui ah pawng püi avan cu kei naw ka plawh khai, kei naw ngami cu ami ga gui am ngawn sak gui ne ng’tuk nak ung ka ngawn sak gui khai. Ami pumsa gui cu kha gui la khisa gui naw ami ei vai ah ka pe gui khai.

EZEKIEL 20:32

Nangmi naw a hei changpakhui gui ah mäih ah kyak hlü nak ah m’lung cu nami pyang ci, a hei khopäng ung chang gui ah mäih ah sing ghing la lung pou khawihnah nami yum ci. Cun ung phi cun ah kä kya hlawt khai nei.

MALAKHI 1:4

Esau ah hta ng’shon Edomit gui naw “Mi gawnu gui cu di pyi ci, cun ung phi mi co ba khai” ami ci ung, Bawipa naw, “Co ba u sä — kei naw ka phyet pe ba gui khai nei. Chang gui naw ‘khawshe khaw’ ah khü gui khai, ‘Bawipa naw angtäi sei amlung she nak ah pakhui ah kyak khai gui nei’ ” cik ci.