SAM 32:8 - Cho Bible Common Language 2016

⁸ Bawipa naw, “Na hteh nak vai ah lam ka ning m’thei khai; ka ning m’thein khai, ka ning m’hnuh khai.

SAM 32:8 Referans Kwoze

SAM 33:18

Ani ngai ci la ng’täi ciah am hni nak ung ng’ap cicu Bawipa naw ngäng ci.

MATTHE 11:29

Kei ah ka kawh cu kawt ne, kei ah ng’thei law vä, Nangmi cu hüiyang nak nami hmuk khai.

ISAIAH 49:10

ngami cu kä cawi phung, kä gha phung khai gui. Ngami m’hni gui ci naw lamshüm gui ci kya sei, khohni ling la khong’gau kholing naw kä nat sak gui khai. Ani naw tuilawng gui ah om nak ah hteh pui gui khai.

NG'THU K'THUUK~ 3:1

Ka hta, ka ning m’thein phung kä na m’hnih vai, na bia vai ah ka ning m’thein cu angtäi sei na shüm vai.

SAM 34:11

Hmaw chang ka teihpüi gui law vä, Na ngai law vä, Bawipa tamkhah ah mawng ka ning m’thei gui khai nei.

ATÜNNAK 24:48

Kei naw m’khukdong ne Bawipa cu khawihnah neta, ‘Bawipa hlüngtai sä, ka bawi Abraham ah Khanpughi naw, lam ka hteh nak ung, ka bawi ah pakhui chang gui ah na hteh püi ci nei. Ka bawi ah hta ah chu vai phi ka hmu pyi ci nei’ ka cik ci.

KHEI NAK 9:22

Hnüüp goi, cha ät, kum ät, cun ah shou pi khai ah a shou ung phi Phung ah khan ah khaw ng’mei a om ah chuih kä ng’nawn ci gui. Cun ung phi khaw ng’mei ang liim ung ngami cu hteit ci gui.

2 SAMUEL 22:33

Shin ah Khanpughi cu khüighat ciah ka ng’yii nak, Ani naw ka lam düng khai ah bik ci.

1 GHANGPUGHANG GUI 8:36

Khankho ah ka naw ngaih pe gui ä. Ghangpughang la Israel chang gui ah hma nak cu m’geinsei gui ä. Düng cicu ami bi vai ah m’theithang gui ä. Cun kawn ah Bawipa, Na mät ah khaw ung khaw cu yuk aa ba sak ä, cun cu na chang gui am angtäi sei ami ka nak vai ah na pek gui ah kyak ci nei.

SAM 25:12

Bawipa chang m’sui ci gui naw, ami läk vai ah lam cu ng’thei ci gui nei.

SAM 143:8

Nang ung ka zumhtek vai ah hmawk ah kho ngawi tä sei, ng’täi ciah na m’hni nak cu na m’thein ä. Ka taigü nak cu nang ah gawk ci nei; ka hteh nak vai ah lam cu na m’hnuh ä.

ISAIAH 48:17

Israel gui ah theingcim ciah khanpughi, Ning hun gui ciah Bawipa naw pyen ci; “Kei cu Bawipa nami na khanpughi nei. Kei naw nami ni nak vai ning m’thei thang gui ne, nami hteh nak vai lam ka ning m’shüm gui hlük ci nei.