SAM 32:7 - Cho Bible Common Language 2016

⁷ Nang cu ka ng’thuh nak ah na kyak ci; Nang naw khüikhai nak ung na na hun khai; Na hun nak ah mawng m’lau ne ng’äi ka m’cu khai, cun cu na na shungvong ah hmawk ah kyak ci.

SAM 32:7 Referans Kwoze

SAM 91:1

Phyawn vai ah Bawipa ah hteit ci phung, Am’gäi ah shung vong nak ung om ci phung naw, ama ah

SAM 119:114

Nang cu ka ng’yii nak la ka shung nak ah na kyak ci; na shaitak ung ka ngaih u om ci.

SAM 27:5

Geinvai yah ung ani naw a im ung na ng’yii sak ne; pum im kyong ah phyawn vai ah na thup ci, hlüng ciah lung tung khan ah na taih ne na phyawn ci.

SAM 9:9

Bawipa cu dukdeiu nak gah ci gui ah ng’yii nak, gein vai yah ung ng’pha nak ah kyak ci.

SAM 31:20

Ngami cu chang gui ah cicum nak ung la ga gui ah bi nak ung phyawng khai gui ah nang naw ng’yii nak ung na thup gui ci.

SAM 143:9

Bawipa, na na shungshet vai ah ka lawk ci nei; ka ga gui ah kut ung na gung ä.

SAM 98:1

Bawipa ah ma ah ng’äi thai m’cu vä; Ani naw cäicat vai gui bi pyi ci nei! Amät ah huham la ng’cim ciah thagui awn, ani naw näng nak hmuh pyi ci nei.

SAM 40:3

Ng’äi thai kam cu vai ah ani naw na m’thei ci, mi Khanpughi m’taam nak ah ng’äi ah kyak ci. Shin hmuk ciah chang akda cu hmat law u ne kyikyawk neta, ngami cu Bawipa ung ng’ap khai gi nei.

THU PHLAAN 7:10

Ngami naw, “Hun nak cu mangkiaang ung gok ciah mi Khanpughi la Htomehta ungka lawk ci nei” cine m’lau ci gui.

2 SAMUEL 22:1

Bawipa naw David cu Saul la a hei ga gu ah kut ung hun khäta, David naw shin ah ng’äi awn Bawipa ng’äi ci;

SAM 32:10

Changshe gui cu geinvai khai gui, cun ung phi Bawipa ung ng’ap ci cu, ng’täi ciah am hni nak awn shungvong ci.

KOLOSE 3:3

Nangmi nami sih ung nami hnun gui cu Bawi Khrit awn Khanpughi ung ng’thup ciah kyak ci.

SAM 5:12

Bawipa, ning ngai cicu hrilham na pek ci. Ngami cu na m’hni nak naw shawi ah mäih ah shung vong gui ci.

JEREMIAH 36:26

Cun kawn ah ani naw ng’thukbäi ne, manghta Jerahmeela cu Azriel ah hta Seraiah la Abdeel ah hta Shelemiah awn atäng ah kei la ka secretary Baruk cu na pha gui khai ah tüi gui ci. Cun ung phi Bawipa naw keimi cu na thup gui ci.

SAM 18:5

Sihnak ah kyihnak naw na kiung ne; ng’cim hun naw cun awn na phak ci nei.

SUKI GUI 5:1

Cun hnüüp ung Deborah la Abinoam ah hta Barak cu shin ah ng’äi ci goi: