SAM 32:5 - Cho Bible Common Language 2016

⁵ Na ma ah ka katnak gui cu ka ng’yu ci nei; ka cheishoh nak cu kä ka m’zih ci nei. Katnak ka ng’yu khai ah ka k’bäi kawn ah ka cheishoh nak avan na na m’geinsei ci nei.

SAM 32:5 Referans Kwoze

NG'THU K'THUUK~ 28:13

Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

2 SAMUEL 12:13

David naw, “Kei naw Bawipa hnu ng’tuk püi ne katnak ka bik ci nei” cik ci. Nathan naw, “Bawipa ning m’gein sei ci, nang kä na sik khai.

SAM 38:18

Ka katnak gui cu ka ng’yu ba ci nei, cun gui naw cäi ng’ä nak awn na be sak ci.

ISAIAH 65:24

Kei ah ami taigü law kä ang pha ung, ngami ah taigü cu kei naw ka m’shang khai.

HOSEA 6:1

Chang gui naw pyen ci gui, “Bawipa ah mi ng’hlat ba khai nei. Ani naw na nat sak gui ci, cun ung phi ani naw akcang ah na gei ba sak gui khai nei. Ani naw na leim sak gui ci, cun ung phi mi leim cu na hlawp pe gui khai nei. Ani naw cun ah kä bik khai ang?

JOB 33:27

Ani naw chang khli ah ma ah pyen khai, kei ka kak ci nei, kei naw ng’düng nak kä ka bik ci nei. Cun ung phi Khanpughi naw na m’htei ci nei.

2 SAMUEL 24:10

David naw cun ah chang khei nak abi kawn ah am lung kyong ung yaica nak gawk lawk ci, cun ah kyasei ani naw Bawipa am, “Kei naw shin bi ne kyih aih vai ah katnak ka bik ci nei! Na bä ni na m’gein sei ä. Ak gu ang ah ka hnün tho pyi ci nei” cik ci.

SAM 103:12

Hni law kho cawi la hni kyak kho cawi ah ng’shawng ah mäih ah, Ani naw mi katnak cu na ng’shawng sak gui ci.

SAM 30:5

A m’lung she nak cu a shäng hta ah kya ci, ani nak cu ghin ah chuih khäng ci. Mü ah ng’phli tui li ci, cun ung phi kho ngawi ah yeikyai nak gawk law ba ci.

EPHESIAN 4:32

Tumat la tumat hnip hnoi ne ng’awi gi tu vä, Khanpughi naw Bawi Khrit ung a ning m’geinsei gui ah mäih ah tumat la tumat m’geinsei tu vä.

LUKA 7:47

Cun ah a phiawn ah mawng cu, ani ah däm aih ciah a yum nak naw dang sak ci nei. Akat nak apihta bäng phiawn nak ciah chang cu a yum nak apihta bäng om ci” cine kyak na gui ci.

SAM 103:3

Ani naw ka katnak gui avan cu na m’gein sei ne, ka nat nak gui avan cu na gai sak ci.

SAM 86:15

Cun ung phi, O Bawipa, nang cu chimgein ci la m’hni ciah Khanpughi ah na kyak ci, angtäi sei, na hnimgei ci, na k’dük ci, na bekhüt ci nei.

SAM 86:5

Nang cu na nik ci, na na m’gein sei gui ci, nang ah taigü ci van ah khan ah na m’hni nak akbe om ci.

2 SAMUEL 12:9

A i ah kyasei kei ah thumkhän kä na läk ang? A i ah kyasei shin ah akshe na bi ang? Nang naw Uriah cu ng’tuk nak ung na ngawn ci; Ammonit gui am na ngawn sak gui ci, cun kawn ah ak chu nak chu nak ci!

JOSHUA 7:19

Joshua naw ani am, “Ka hta aw, Israel gui ah Khanpughi Bawipa ah ma ah akcang na pyen vai, na ng’yu ba vai. A i na bi cu tuhbäi na na m’thein vai. Kei ah ma ah na m’yih vai ah kä na tha nak en vai” cik ci.

JEREMIAH 3:13

Na cheishoh la Bawipa na khawpughi na hnungtuk püi nak cu na ng’kiaa vai. Sing fhing ah ka päng ung akhihei khanpughi gui am na m’hni nak na pek la kei ah thumkhän gui kä na läk cu na ng’paa vai, kei Bawipa naw ka pyen nei.

JEREMIAH 2:35

Nami pyen cu, “Kei cu changniah ka kyak ci, ak cang ah Bawipa cu kei ah khan ah kä m’lungshe ba ci nei. Cun ung phi kei Bawipa naw ka ning m’kyuk gui khai, a i ah kyasei ci ung nangmi kä nami hmakak ci pyen nami ling ci.

JEREMIAH 2:23

Na mät naw na mät kä na lelawi sak ciah, Baal kä na khawihnah phung ciah a i hawkcha ah na pyen hlawt ang. Khongnawi ung a i hlawk ah na hmakat cu teng ba ä; na bi gui pyi cu dan ba ä. Nang cu k’cih ciah kalauk ah mäih ah na kyak ci, dawng ne maih ci.

NG'THU K'THUUK~ 30:20

Shin cu kä bekhüt ciah hnumi ah hnunthawh ah kyak ci; chang ahei awn ng’yaw ni ne tui ng’si ba neta, “kei naw a i phi cheishoh nak kä ka bik ci nei” cik ci.

MALAKHI 3:8

Kei naw ka ning shi gui cu, Khanpughi ah khawh, chang naw a guh tep cu hman khai aw? Cun ung phi nangmi naw nami na gut tep ci nei. “A i hawkcha ah kami ning guh ang? nami ci ung, bum gha bum ät la pek tak gui cu nami na gut ci nei.

JOB 31:33

Chang ahei gui naw ami katnak k’tha na ne thup u sei phi, Kei naw ka katnak kä ka thup man ci nei.

LUKA 16:15

Bawipa Jesuh naw, “Nangmi cu, nami mät naw nami mät chang khän gui ah chang ah ma ah nami m’dang ci. Cun ung phi Khanpughi naw nami m’lung kyong ning hmat gui ci. Chang gui naw ang khän ah ami ngaih cu Khanpughi ah ma ah m’sheshai ah kyak ci.

JEREMIAH 31:20

“Israel, nang cu ka yum pi k’bäihah ka hta, ka m’hni pi k’bäih ah a hmaw ah na kyak ci. Kei naw nang ah ming ka m’dang yah phung ung, na m’hni nak cu ka ngaih-tüh ci. Kei ah ka m’lung cu nang ung gawk sei, kei ung chimgein nak om ci.

TAIGÜTHUM 5:5

Chang tumat cu a cheishoh ah a kyak ung a katnak cu ang paa vai.

2 SAMUEL 24:17

David naw chang gui ngawn ciah khanchang cu hmu neta, Bawipa ah ma ah, “Kei cu hma ciah ka kyak ci, kei cu cheishoh ci bi ciah chang tumat ah ka kyak ci. Shin ah chang dukhaih gui naw a i ang ami bi? Nang naw kei la ka kyong khui cu na m’kyuk hning ci nei” cik ci.

1 GHANGPUGHANG GUI 8:50

Ami katnak avan la nang ami ning hnungtuk püi nak cu m’geinsei gui ä, ami ga gui am m’hni nak awn om püi sak gui ä.

2 SHONTÄP NAK 6:29

ami taigü cu ngaih pe gui ä. Israel na chang gui amshah cu ang’htei ah thüi sei ne, shin ah Taigüim täng ah mang ne ami kut shäng ne ami taigü ung,

EZRA 10:11

Tuhbäi ung nami pupa gui ah Khanpughi Bawipa ah ma ah nami katnak cu ng’coipa vä. Cun kawn ah ani ah yeikyai nak vai cu bi vä, nami khaw ung om tuk ciah akhohei chang gui awn ng’khoicha ne om vä. Akhohei chang nami chu gui cu nawng gui vä” cik ci.

SAM 25:16

Bawipa, kei täng ah ng’hlat law, kei na chimgein ä, a i ah kyasei ci ung, kei cu ka keiu ci, ka yai ci.

SAM 25:18

Ka ng’zocho nak la ka yaica nak cu na m’htei ne, ka katnak gui avan cu nam gein ä.

SAM 38:19

Ka gaa gui cu gai u ne, tha mah ci gui; Amawng kä om ciah na gen ciah chang gui cu da ci gui nei.

SAM 51:6

Bä nak la ng’düng nak cu na m’hni ci kya ne, Na cüivai nak awn ka m’lung na k’be ä.