SAM 32:11 - Cho Bible Common Language 2016

¹¹ Nangni düng ciah chang gui, Bawipa ah bi ah hmawk ah yeikyai vä. Ani ngai ciah chang gui yei ne m’lau vä.

SAM 32:11 Referans Kwoze

SAM 64:10

Bawipa ah bi lawh ah hmawk ah ng’düng ciah chang gui cu yei khai gui. Ngami naw ani ung phyawn nak hmuk khai gui; changnigui ami van naw m’taam khai gui.

PHILIPPIAN 4:4

Nang mi cu Bawipa ung nami ghin nak awn yeikyai vä, ka pyein ba mä cu yeikyai vä!

SAM 97:12

Bawipa ah bi lawh hmawk ah düng ciah chang gui avan yeikyai vä! Theing ciah Khanpughi ah bilawh cu shüm ba vä, ani cu m’hlüngtai vä.

SAM 97:1

Bawipa cu ghangpughang nei! Khomdek cu yei sä! Tui ah koi khokawng gui phi yeikyai u sä!

SAM 5:11

Cun ung phi nang ung phyawn nak gah ciah chang van cu, yei u sä; angtäi ah yei ne ng’äi m’cu u sä. Ning m’hni ci gui cu shung vong gui ä; Nang ah hmawk ah ngami cu akcang ah yei ci gui nei.

SAM 68:3

Cun ung phi düng ci gui cu ani ah ma ah yeikyai ci gui; ngami cu yeikyai ne m’lau khai gui nei.

SAM 33:1

Nangmi, düng ciah chang van naw, Bawipa ah bi ah hmawk ah yei ne m’lau vä; Ani ngai ciah chang van naw m’tam vä.

THULÄÄN NAK 12:12

Ani ah ma ah nami yeikyai vai, nami hta nau gui, nami changshäm gui la nami gawnu ung om ciah Levit gui awn a täng ah; Levit gui ung ami mät ah kaa vai khaw kä om ci, cicu nami shüm ba vai.

PHILIPPIAN 3:3

Vun-ah nak bik ci gui ah chang cu ngami ah kä kyak ci, mikmi ah kyak ci. A i ah kya sei ci ung mikmi cu Mumcha awn Khanpughi cu mi khawihna u ne, Bawipa Jesuh Khrit awn mi kawng ät u ne, yeikyai nak mi gah ciah kyak ci. Mikmi cu a hei a i baw düt kä mi ngaih u ci.

PHILIPPIAN 3:1

Phäi nau gui aw, ak hnu ah ka pyein hlü cu, Bawipa ung yeikyai vä. Ka guk pyi te ka pyein ba cu kei ah phäh ah yaica nak vai kä kyak ci nei, cun cu nangmi ah m’lung üp nak vai ah kyak ci nei.

ROMAN 5:11

Cun bäng ah kä kyak ciah Khanpughi naw mikmi cu, Bawi Khrit ung a teihpüi ah ana pyan gui pyi ah kya sei, yeikyai nak phi mi gah ci.

ZEKHARIAH 4:7

Khomhtung teih ah däm ciah tüihtok nak gui cu nang ah ma ah maih yawp khai. Nang naw Taigüim cu na co ba khai. Nang naw ak hnukbäih ah lung cu a hmun ung na ng’lin yah ung, chang gui m’lau u ne, ‘Kiom ci nei! Kiom ci nei!’ ” cik khai gui.

SAM 125:4

Bawipa, changni gui la na thumkhän läk ci gui ah khan ah akni cu yuk bi law ä.

SAM 32:2

Bawipa ah m’kat nak ah hma nak kä om ne, m’thüi m’khang nak ung am hlawt ah chang cu yeikyai nak om ci.

SAM 7:10

Khanpughi cu ka ng’shawi; a ng’thu ngai cicu ani naw hun ci.

1 SAMUEL 2:1

Hannah taigü ci; “Bawipa naw ka m’lung cu yei nak awn be sak ci; Ani ah bi ah phäh ah ka yeikyai aih ci nei! Ka gaa gui cu ka gaih tu gui ci; Ka yei aih ci nei, Khanpughi naw na m’htei sei!

SAM 98:4

Khomdek van naw Bawipa am yei ne ng’äi m’cu vä; Ng’äi m’cu ne m’taam ne m’lau ne yei vä!