SAM 32:1 - Cho Bible Common Language 2016

¹ A katnak m’geinsei nak om ci la, a cheishoh ng’yu ba ciah chang cu yeikyai nak om ci.

SAM 32:1 Referans Kwoze

ISAIAH 44:22

Kei naw nami katnak cu kho ng’mei ah mäih ah ka zon sak ci nei. Kei ah law ba vä, kei cu nangmi ning hun gui ciah ka kyak ci nei.”

SAM 85:2

Nang naw na chang gui ah katnak cu m’gein gui ne, ami cheishoh nak cu nak phyawn gui ci nei

ISAIAH 43:25

Cun ung phi kei cu nami katnak ning m’geinsei gui ciah khanpughi ah ka kyak ci, kei cu kei ah kya ne shin ah ka bi ah kyak ci. Ning hnung’tuk püi gui khai ah nami kat nak kä ka kawt khai nei.

THU PHLAAN 22:14

Ami suisak theing khai ah m’suk ci gui cu yeikyai nak om ci, ngami cu ghin nak ah sing ah m’theih ei nak hning la mang gaw ah m’kawt ung luh nak hning cu gah khai gui.

ISAIAH 1:18

Bawipa naw pyen ci, “Tuhbäi amawng ama mi pyen khai. Nangmi cu katuak ah sisen nawn nami ng’hläuk ci, cung ung phi khüi bawk vaisü ah theing kiah khai ah ka ning m’si gui khai. Nangmi cu lelawinak awn sisen ah nami kiakung phi. Htawmu ah mäih ah nami bawk khai nei.

SAM 40:4

Agup täng ah kä ng’hlat ne, kä khanpughi man kä khawihnah ne, Bawipa ung ng’ap ci gui cu yeikyai nak om ci nei.

SAM 106:3

A thumkhän läk ne, angtäi se ng’düng nak bik cicu yeikyai nak om ci nei.

LUKA 11:28

Cun ung phi Bawipa Jesuh naw, “Khanpughi ah ng’thu ngai ne läk ciah khan ah yeikyai nak om sä, ci ung ni pi khai nei” cik ci.

SAM 53:1

Chang gu ang gui naw ami m’lung kyong ung “Khanpughi kä om ci” cik ci gui. Ngami cu didap u ne m’shemshai ciah bi bik ci gui; ng’düng ci bik ci tumat phi kä om ci.

SAM 42:1

Kigang naw tui gei tuihta ging co ne a shui ah mäih ah ka ning ging co ci nei Khanpughi aw.

MATTHE 16:17

Bawipa Jesuh naw, “Johan ah hta Simon, nang ung yeikyai nak om ci, shin ah düng ciah a mawng cu chang naw kä hmat hning ci, Khankho ah om ciah Kapa naw a ning m’thein ah kyak ci.

SAM 128:1

Bawipa cu kyih aa ne, a ng’thumkhän ung ghing ciah chang gui cu, yeikyai nak om ci.

SAM 89:15

Ng’äi m’cu ne ning khawihnah ci gui cu Na m’hni nak ah akdei ung om ci gui cu yeikyai aih ci gui nei!

SAM 84:12

M’gäi ciah Bawipa, nang ung ng’ap ci gui cu yeikyai aih ci gui nei!

SAM 52:1

M’gäi ciah chang shetkat nak awn a i ah kyasei na khähghah ang? Khanpughi ah bekhüt nak cu ng’lang täi ci nei.

SAM 45:1

Thu kyom gui ka m’lung ung be ci, Shin ah ng’äi cu ghangpughang-am ka guk nei. Ca akni ah gu thei ciah guk nak ah mäih ah, ka m’gawng m’lei cu kyasei ng’äi awm om ci.

SAM 55:1

O Khanpughi, ka taigü na ng’yak pe ä; ka ng’hawh sangung kä na ng’hlah ta ä!

NEHEMIAH 4:5

Kami cokyang ciah keimi ami na shedam nak gui ah phäh ah akshe ami bi cu kä m’geinsei en gui ä, ami hmakat nak cu kä m’hni en pe gui ä.”

2 SAMUEL 12:13

David naw, “Kei naw Bawipa hnu ng’tuk püi ne katnak ka bik ci nei” cik ci. Nathan naw, “Bawipa ning m’gein sei ci, nang kä na sik khai.

SAM 103:3

Ani naw ka katnak gui avan cu na m’gein sei ne, ka nat nak gui avan cu na gai sak ci.