SAM 31:2 - Cho Bible Common Language 2016

² Na ngai ä! Tuhbäi na hun ä! Ka ng’yii nak awi na shung ä; ka shung nak awi na hun ä.

SAM 31:2 Referans Kwoze

SAM 102:2

Ka cümbawng yah ung kä na ng’hlah en ta ä! Ka ning khü cu ngai ne, ang ghit ah na m’shang ä!

SAM 86:1

Bawipa ka ng’thu ngai ne na m’shang ä, kei cu am gein kaa ah kya ne ka tha maih ci nei.

SAM 130:2

O Bawipa, ka m’lau cu na ng’yak pe ä; Na na m’htei vai ka ng’khü cu na ngaih pe ä!

THULÄÄN NAK 32:31

Ami ga gui naw ami khanpughi gui cu aktha ken ciah hmat ci gui. Israel Khanpughi ah mäih ah kä m’gäi ci gui.

1 JOHAN 4:12

Khanpughi cu a u naw kä hmu man ci, cun ung phi tumat la tumat mi ng’yum hni tu ah a kyak ung, Khanpughi cu mikmi ung om ci, Am hni nak cu mikmi ung kümbe ci.

JOHAN 6:56

Ka sa ei ne ka si awk cicu kei ung om ci, kei phi ani ung ka om ci.

LUKA 18:8

Bawipa naw ang ghit ah ng’düng khai ah m’khoichaa pe gui khai nei. Cun ung phi chang ah Htapa a law ba ung khomdek khan ah yumnak cu hmuk khai ang” cik ci.

ISAIAH 33:16

Cun ung nangmi nami phyawng khai, khäing htek ciah vongpang kyong ah om ah mäih ah nami ngaih gep khai. Nangmi ung nami ei vai buh am khai, nami awk vai tui om khai.

NG'THU K'THUUK~ 22:17

Ngai vä! keinaw cüivai ciah chang ah ng’thu ka ning m’thein gui khai. Ngami ah m’theithang cu nami ng’thei vai nei.

SAM 143:7

Bawipa, Tuhbäi na m’shang ä! Ka ngaih u nak avan maih ci nei. Kä na ng’thuh en tau ä, Sihnak ah kho ah hteit ci gui ah ng’lung ah kei cu ka hteit khai kyak ci nei.

SAM 94:22

Cun ung phi Bawipa naw na shung ne, ka Khanpughi naw na ng’vong ci nei.

SAM 91:9

Nang naw na ng’shung nak cu Bawipa ah kyak ci. A hlüngtai säih cu na ng’yii nak ah kyak ci,

SAM 90:1

O Bawipa, nang cu angtäi sei keimi ah im ah na kyak ci.

SAM 79:1

O Khanpughi, khuihei gui naw na khaw kaan lawk ci gui nei. Ngami naw na Pumim theing ng’gogan sak u ne, Jerusalem phi m’shet ci gui nei.

SAM 69:17

Na changshäm cu kä na ng’thuh tau ä; ka khüikha aih ci nei, tuhbäi na m’shang ä!

SAM 62:7

Kei ana hun nak la ka m’taam nak cu Khanpughi ung ng’yung ci; Ani cu m’gäi ciah ka ng’yii bawi, Ani cu ka ng’yii nak ah kyak ci.

SAM 40:17

O Bawipa, kei cu ka zoken, ka dukhaih ci, cun ung phi nang naw kä na na m’hnih ci. Nang cu ka Hunbawi la ka Khanpughi ah na kyak ci — Ang ghit ah na m’htei ä!

JOB 7:21

Kei ah katnak cu kä na na m’geinsei hning ne ma? Kei naw hma ciah ka bi gui cu kä na na m’geinsei hning ne ma? Kä shou pha sei kei cu ng’phuh hmun ung ka hteit lawk khai, ka htait pyi khai nei.

2 SAMUEL 22:3

Ka Khanpughi cu ka ng’shung nak, Ani ung om ne, kei ka phyawng ci. Ani naw shawi ah mäih ah na shung vong ci; Ani naw na cham ne pang ne na hun ci, Ani cu ka hunbawi nei; Ani naw hung sai ung na shung vong ne, nak phyawn ci.

SAM 7:2

Kä cun ung ngami naw phongkawng ah mäih ah na chang ne, a u ah kä hun nak hning vai ah na hteh püi u ne, na phyit sek khai gui nei.

SAM 25:2

Ka Khanpughi, nang ung ka ng’ap ci nei. Thui ng’a nak ung na k’phyawn ä; Ka gaa gui naw kä na näng en u sä!