SAM 30:7 - Cho Bible Common Language 2016

⁷ Nang cu kei ah khan ah na nik ci, Bawipa; Nang naw kei cu khomhtung tai ah mäih ah na na shung vong ci. Cun ung phi kä ka ning hmuh vai ah ng’thup ci sei, kei cu ka kyik ci nei.

SAM 30:7 Referans Kwoze

SAM 104:29

Nang naw na ng’hlah taak gui ung ngami cu kyik ci gui; Nang naw ng’ghi nak na laak ung ngami cu sik ci gui, ami ng’tüi nak te ah m’vut ung hteit ba ci gui.

SAM 143:7

Bawipa, Tuhbäi na m’shang ä! Ka ngaih u nak avan maih ci nei. Kä na ng’thuh en tau ä, Sihnak ah kho ah hteit ci gui ah ng’lung ah kei cu ka hteit khai kyak ci nei.

SAM 89:17

Nang naw m’khüt nak akdäm na pe gui ci, na m’hni nak awn na na näng sak gui ci.

SAM 40:2

Kei cu di nak ah khui la ng’än nai ung ka na khui ba ne, lung khan ah na m’düih ne nak phyawn sak ci.

SAM 30:5

A m’lung she nak cu a shäng hta ah kya ci, ani nak cu ghin ah chuih khäng ci. Mü ah ng’phli tui li ci, cun ung phi kho ngawi ah yeikyai nak gawk law ba ci.

SAM 5:12

Bawipa, ning ngai cicu hrilham na pek ci. Ngami cu na m’hni nak naw shawi ah mäih ah shung vong gui ci.

JOB 10:12

Nang naw ghin nak la ng’täi ciah m’hni nak na na pek ci, cun kawn ah nang ah m’htei nak naw na m’ghin ci.

THULÄÄN NAK 31:17

Cun ah a kyak law ung ngami ah khan ah kei cu ka m’lung she khai; kei naw ka nawng gui khai, ngami cu dishum khai gui. Kyih vai ah leigai akda ami khan ah gawk lawk khai, cun kawn ah ngami naw hmat lawk khai gui, shin gui ngami ah khan ah a kyak law cu, kei, ami na Khanpughi naw kä ka om püi ba gui ah hmawk ah kyak ci, ciah hmat khai gui.

ISAIAH 38:17

Kei ah ka khaa nak shi, dimdeeih nak ah ng’hlat khai nei. Kyihkyawk nak avan ung na na m’geinsei ci nei.

SAM 44:3

Na chang gui naw ami mät ah chim awn cun ah kho cu kä näng hlawt ci gui; Ami mät ah huham la k’thagui la na om ah mawng ang kheing sak nak awn, acun naw na m’hni nak gui cu dang sak ci.

SAM 10:1

A i ah kiyasei na ng’shawng aih ang, Bawipa? Keimi kami khüikha sangung a i ah kyasei na mät na ng’thuh ang?