SAM 30:5 - Cho Bible Common Language 2016

⁵ A m’lung she nak cu a shäng hta ah kya ci, ani nak cu ghin ah chuih khäng ci. Mü ah ng’phli tui li ci, cun ung phi kho ngawi ah yeikyai nak gawk law ba ci.

SAM 30:5 Referans Kwoze

2 KORIN 4:17

Keimi naw a shäng ak yaang ah kami aut ah yaica nak naw cun ah hlüngtai pi ciah angtäi sei bämang nak cu na gah sak gui khai nei.

MATTHE 5:4

“Am lung thüisei ci gui yeikyai vä; Khanpughi naw m’lung üp nak ning pe gui khai.

ISAIAH 26:20

Ka chang gui aw, nami im kyong ah lut ba vä, nami shoh khai vä. Khanpughi ah m’lungshe nak ang pyi güt akhäng hta nami ng’thuh cang vai nei.

SAM 103:9

Ani naw a phlüit ta a u kä m’kat ci, ani angtäi sei kä m’lungshe ci.

SAM 16:11

Nang naw ghin nak ah lam cu na nam shüm khai; Na na om püi nak naw yeikyai nak awn na be sak ne, angtäi hlimtui nak phi law püi ci.

SAM 63:3

Ng’täi ciah na m’hni nak cu hnun gui ah ta bä pi ci nei, cun ah kyasei ka m’taam khai.

SAM 59:16

Cun ung phi kei naw na thagui ah mawng ng’äi kam’cu khai; A ngawi tä sei nam hni nak ah mawng m’lau ne ka ng’äi khai. Nang cu ka ning shung nak, khüikha yah ung ka ning yii nak ah na kyak ci.

SAM 46:5

Khanpughi cu cun ah mang gaw ung om ci, cun ah gaw cu kä di phung khai; kho ngawi hta ung, ani naw law ne m’htei gui khai.

SAM 143:8

Nang ung ka zumhtek vai ah hmawk ah kho ngawi tä sei, ng’täi ciah na m’hni nak cu na m’thein ä. Ka taigü nak cu nang ah gawk ci nei; ka hteh nak vai ah lam cu na m’hnuh ä.

SAM 103:17

Cun ung phi Bawipa m’taam ciah chang ah hmawk ah, ani ah m’hni nak cu kä ng’pyi hlawt ci, Ani ah ni nak cu hta ng’shon avan ung khäng lä ci.

THU PHLAAN 22:17

Mumcha Theing la Ceimah khai ah ng’laamihta naw, “Law ä” cik ci goi. Cun ah ng’thu ng’yak ciah chang nüng naw phi, “Law ä” ci ne pyein sä, Tui gha ciah chang cu law sä, ghin nak ah tui ng’ya hlük ciah chang phung naw a lä ah dou sä!

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

ATÜNNAK 32:24

Jakob cu amät om shüt ci. Chang tumat law ne ani cu thaai ne ng’pyei püi ci.

THU PHLAAN 22:1

Khankho chang naw kei-am ghin nak tui ah lon nak ah tuinu phi na m’hnuh ci. Cun ah tuinu cu k’pyülung ah mäih ah vai ne, Khanpughi ah Htomehta ah mang kiaang ungka mang gaw ah gaw ng’lung lam nu ung yu long vük ci.

PHYAWN NAK 3:15

Kei, Bawipa, Ami pupa gui ah Khanpughi, Abraham, Isaak, Jakob ni ah Khanpughi naw, nangmi ah ana tüih law nei, cine Israel chang gui am na m’thein gui vai. Cun cu khonglän ung ka ming ah kyak ci. Cun cu ma lam ung hta ng’shon gui naw ami na khü vai ah kyak ci.

SAM 47:7

Khanpughi cu m’dek ah khan avan ung ghangpughang nei; Ng’äi m’cu ne m’taam vä!

SAM 97:12

Bawipa ah bi lawh hmawk ah düng ciah chang gui avan yeikyai vä! Theing ciah Khanpughi ah bilawh cu shüm ba vä, ani cu m’hlüngtai vä.

SAM 145:10

Bawipa, na tüipyan avan naw ning m’tam khai nei, Na chang gui van naw ning yei nak khai gui nei.

ISAIAH 12:1

Chang gui naw ng’äi ami m’cu nak vai ah hnüüp cu gawk lawk ci nei, “Ka ning m’tam ci nei, BAWIPA! Nang cu kei ah khan ah na m’lungshe te ci, Cun ung phi tuhbäi, kei na na shungvong ci, nang kä na m’lungshe ba ci nei.