SAM 30:12 - Cho Bible Common Language 2016

¹² Cun ah kyasei, kei cu kä ka dim düt khai; Kei naw ng’äi awn ka ning m’taam khai. Bawipa, nang cu ka ning Khanpughi nei, kei naw angtäi sei ka ning yei nak khai nei.

SAM 30:12 Referans Kwoze

SAM 145:2

A hnüüp tä ka ning yei nak khai nei; kho ng’län ung ka ning m’tam lä khai nei.

SAM 44:8

Keimi naw angtäi sei kami ning m’tam khai, ngawi yä kami ning m’hlüngtai khai nei.

SAM 16:9

Cun ah kyasei yeikyai ne, ka ngaih kei naw m’tam ne ngaih gep ci.

LUKA 19:40

Bawipa Jesuh naw, “Kei naw akcang ka pyein cu, shin ah chang gui adüm ah ami om ah a kyak ung lung gui cu tho law ne m’lau lawk khai gui nei” cik ci.

LAMKTU 4:20

Kei mi läi kami hmuh lah kami ng’yak cu kä pyein ah kä ka mi om hlawt khai nei” ci neh kyak nah gui ci gui.

SAM 71:23

Kei naw yei ne m’lau ne ka tum khawng khai; Na na hun pyi ah kya sei ka ghin nak avan awn ng’äi ka m’cu khai.

SAM 71:14

Nang cu angtäi sei ka ning ngaih u kheng geng khai, ka ning m’taam law pi pi khai.

SAM 57:8

Ka mümcha, Tho law! Ka tingtäng la ka phyung heng tho law vä! Kei naw nu k’hni ka m’tho khai nei.

SAM 13:6

O Bawipa, ng’äi ka ning m’cu khai, Kei ah khan ah na bä aih ci nei.

THU PHLAAN 7:12

“Amen! Mi Khanpughi cu hlüngtai nak, bämang nak, cüivai nak, yeikyai nak, chang m’sui nak, m’kümtou nak la küikyang nak gui awn, ang shon päng ung kümbe ne om sä, Amen!” cine m’lau ci gui.

ATÜNNAK 49:6

Ngani ah ng’zih thuh nak ung kei kä ka ng’pang khai. Ani chang bum ung phi kä ka ng’päng tuk khai. Ngani cu m’lungshe ne chang ngawn ci goi. Sei khaw ng’dääk sak ne gü ng’lah ci goi.

ESTA 8:16

Jew chang gui cu yeikyai u ne, tholet u ne, lünlawi ne näng m’khüt nak om ci gui.

ESTA 9:22

Cun ah hnüüp cu Jew gui naw ami ga gui ami hnim nak ah kyak ci, Cun ah cha cu thüisei, ayä nak ah khin ungka naw yeikyai lünlawi nak ah ng’hlah nak ah khin ah kyak ci. Cun ah kyasei cu hnüüp ung aküikyang ah ei awk pawi gui bi ne, ei ng’thak tu u ne, dukhaih ciam ei thak ne ami bi vai ah pyen na gui ci.

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.