SAM 30:11 - Cho Bible Common Language 2016

¹¹ Kei ah thüi nak cu yei ne ng’lam nak awn na na m’thawng pek ci; Nang naw ka thüi nak avan cu la yawp ne, yeikyai nak awn na na kiung ci.

SAM 30:11 Referans Kwoze

JEREMIAH 31:4

Hnü ät mä kei naw ka ning cokyang ba gui mä khai. Hnü ät mä nangmi naw nami thing sheei tum ne yeikyai ne nami ng’lamba mä khai.

ISAIAH 25:8

Uktu Bawipa naw sih nak cu khonglän ung m’di khai! Ani naw chang pang ah mik ungka ng’phli tui cu ghu pe ne, kho ah ka avan ung a chang gui ah thüivat nak cu lak pe gui yawp khai. Bawipa amät naw a pyen nei!

THUSHÄUTU 3:4

Ani naw m’hnüt ci, Thüi kyah nak ah akhin la yeinak ah khin om ci; Thüi kyah nak ah khin om ne, ng’lam nak ah khin om ci;

2 SHONTÄP NAK 20:12

Nang cu kami Khanpughi ah na kyak ci nei, m’kyuk gui ä. Na tu law gui ciah gakap ak tung ah ma ah amgein kaa ah kami kyak ci nei. Keimi a i ah kami kyak vai kä kami hmat ci, cun ung phi na na m’htei gui vai ah kami ning teng ci nei.

SAM 149:3

Ng’laam ne ang ming cu m’tam vä; k’hting la k’bei tum ne Bawipa cu m’tam vä.

SAM 150:4

K’hting k’bei tum ne ng’laam ne m’tam vä. K’phyung lawi la phiphät tum ne m’tam vä.

LUKA 15:22

Apa naw, “Akyang ah shui ne suisak akni m’sui m’sak law vä, kutcüp akni m’hnak law vä, phahnak akni ng’cum law sak vä,

SAM 30:5

A m’lung she nak cu a shäng hta ah kya ci, ani nak cu ghin ah chuih khäng ci. Mü ah ng’phli tui li ci, cun ung phi kho ngawi ah yeikyai nak gawk law ba ci.

2 SAMUEL 6:14

David cu linen yih sui ne, ak tha gui avan awn Bawipa cu m’tam ne ng’lam ci.

THU PHLAAN 21:4

Ani naw ami ng’phli tui avan cu ghu pe gui khai nei. Cun kawn ah sihnak, thüisei nak, kyah nak, m’neh m’awh nak kä om ba khai nei. Akphyim gui avan cu maih yawp pyi ci nei” cine pyein ci.

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

SAM 4:7

Cun ung phi nang naw na na pek ah yei nak cu, Ngami ung htang m’guh la sapyit tui da sei, avan ami yei ah mä bä pi ci nei.

JOHAN 16:20

Kei naw akcang ka pyein cu, “Nangmi nami thüi kyap khai, khomdek chang gui yeikyai khai gui. Nangmi nami thüi sei khai cun ung phi nami thüisei nak cu yeikyai nak ah ng’lat yawp khai.

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

2 SHONTÄP NAK 20:9

ngami m’kyuk nak gui ah ng’tuk nak, leigai cawi khaih nak naw a tuk law gui ung, nang ning khawihnah nak ah Taigüim ah ma ah law ne ng’düi u ne, ami yaica nak ah mawng nang ah law ne taigü ami taigü law ung, nang naw ng’yak pe gui ne na gung gui khai.

ISAIAH 25:3

Huham mah ciah pakhui chang gui naw ning m’tam khai gui nei; m’ghämce ciah pakhui gui ah mang gaw gui ung nang cu ning kyih khai gui nei.

ESTA 9:22

Cun ah hnüüp cu Jew gui naw ami ga gui ami hnim nak ah kyak ci, Cun ah cha cu thüisei, ayä nak ah khin ungka naw yeikyai lünlawi nak ah ng’hlah nak ah khin ah kyak ci. Cun ah kyasei cu hnüüp ung aküikyang ah ei awk pawi gui bi ne, ei ng’thak tu u ne, dukhaih ciam ei thak ne ami bi vai ah pyen na gui ci.

NEHEMIAH 8:10

Tuhbäi nami im ah hteit ba ne ng’ei awk vä. A ei vai kä büh ciam nami buh nami sapyit tui cu teipai tu vä. Tuhngawi cu mi Bawipa ah ma ah theingcim ci nei, cun ah kyasei kä nami thüi vai nei. Bawipa naw aning pek gui ah yeikyai nak naw nangmi cu ning khüighat sak gui khai nei.”

ATÜNNAK 45:28

Jakob naw, “Ka hta Joseph cu ghing ne om ci nei, cun cu ka ng’yak hlü pikbäih nei! Kä ka sih pha ung hteit ne ka hmu ge khai nei” cik ci.

ATÜNNAK 37:35

A hta gui pami hnumi ami van naw m’cäi u sei phi, maa na gui ne, “Ka hta ah a hteh nak ah m’htei khaw ah ka hteit khai nei” cine Joseph ah hmawk ah thüi kyap ci.

2 SHONTÄP NAK 20:3

Jehoshaphat cu kyikyawk neta, Bawipa naw lam am shüm vai ah taigü ci. Ami khopäng avan ung chang gui ei hlawi ne ami taigü vai ah thu k’bäi ci.

SAM 27:7

Bawipa, ka ng’khü cu na ng’yak pe ä! Na chimgein ne na m’shang ä!

JEREMIAH 52:33

Cun ah kyasei Jehoiachin cu thawng kyum sui ng’thawng sak neta, ani a ghin ah chuih ghangpughang ah ei nak ung a täng ah ei tuk ci.