SAM 30:1 - Cho Bible Common Language 2016

¹ Bawipa, na na hun ah hmawk la ka gaa gui naw kä ami na gaih tu vai ah na hteh püi ä, ka ning m’taam ci nei.

SAM 30:1 Referans Kwoze

SAM 25:2

Ka Khanpughi, nang ung ka ng’ap ci nei. Thui ng’a nak ung na k’phyawn ä; Ka gaa gui naw kä na näng en u sä!

SAM 35:19

Ami gai pyen ne na gaih m’gin ne ka di vai ah, ka ga gui cu kä näng-en sak gui ä. A mawng ma a i kä om sei na thüi nak ci gui naw, ka thüi sangung kä na mik m’ghi en ah u sä.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

SAM 140:8

Bawipa, changshe gui am ami ng’yak hlü cu kä pe en gui ä; Ami ng’zih nak cu kä näng sak en gui ä.

SAM 13:4

Ka ga gui naw, “Kami tuk pyi ci nei” kä ci en u sä. Kei zu ng’kya ne ka ng’hlet ah phäh ah kä zei-en u sä.

2 SAMUEL 5:11

Tire ghangpughang Hiram naw sumlei vai ah chang tüi law ne, cedar k’pen gui la sing im k’co gui lung im k’co gui cu mang im co khai gui ah tüi law gui ci.

NG’ÄI KYAH 2:15

Chang gui naw mang gaw ami kan yah ung, nangmi cu päipih ne ning teng gui ci gui, ngami cu ami lu tum ne, dishum ciah Jerusalem cu ngai tuk ci gui. Shin cu m’hni vai ah mang gaw ang? Shin cu khomdek khan ah yei nak vai ah kya ne ang?

SAM 145:1

Ka Khanpughi la ghangpughang, na dämduh nak ah mawng cu ka ng’shäu khai nei; kho ng’län ung ka ning m’hlüngtai khai nei.

SAM 79:10

A i ah kyasei changpakhui gui naw, “Nami Khanpughi a hawi ang?” cine ami na ng’shi gui ang. Na changshäm gui ah si ami huk ah phäh ah changpakhui gui na m’kyuk gui cu, na hmuh sak gui ä.

SAM 41:11

Ngami kei ah khan ah kä näng khai gui nei, Nang naw na na yei nak cu kei naw ka hmat khai nei.

SAM 28:9

Bawipa, na chang gui cu hun gui ä, na chang gui cu hrilham pe gui ä. Ngami ah htoshäm ah kya ne, angtäi sei m’hteihtang gui ä.

SAM 27:6

Cun ah kiasei nak koi ciah gaa gui ah khan ah ka näng khai. A pum im kyong ah yei ne m’lau ne, khawihnah nak ka vawipet khai; Ng’äi ka m’cu khai, Bawipa ka m’tamkhah khai.

1 SHONTÄP NAK 21:6

Joab naw ghangpughang ah thukbäi cu kä yum neta Levi la Benjamin pakhui gui cu kä khei tu gui ci.

2 SAMUEL 24:25

Cun kawn ah ani naw Bawipa am sonkiang cu cawh neta, m’khih ne pek nak la hmuh-chum nak pek nak cu douthak ci. Ani ah taigü cu Bawipa naw ngai sei, Israel khaw ung leigai ng’düm ci.

2 SAMUEL 7:2

Cun kawn ah ghangpughang naw prophet Nathan am, “Shin ung cedar k’pen awn cawh ah im ung kei ka om ci, cun ung phi Khanpughi Thukhän M’küm cu phung ung gim ah kyak ci!” cik ci.

2 SAMUEL 6:20

Cun kawn ah David cu akyong chang gui yavaih khai ah a im ah hteit ba khäta, Michala naw law ne hmu lawk ci. Ani naw, “Israel ghangpughang naw tuh ngawi amät ah ming däm khai ah bik ci nei! Abawi gui ah changshäm-hnumi hta gui ma ah akgu ah mäih ah amät naw amät m’dang ci nei!” cik ci.

THULÄÄN NAK 20:5

“Cun kawn ah bawi gui naw chang gui am, thu küi ami pyen nak cu, ‘Shin ung im co ghet ne im kä ap phak ciah chang a u om ne ang? A om ah a kyak ung a im ah hteit ba sä. A cun ung ani cu ng’tuk nak ung ami ngawn tu ah a kyak ung, a hei chang tumat naw vah a im cu lak khai.

SAM 79:4

Pei ng’len ah changpakhui gui naw na shedam na ne, na gaih m’gin ne, na päipih gui ci gui nei.

SAM 66:17

Anam htei vai ah kei cu ka kyap ci; kei naw ng’äi awn ka m’taam ci.

2 SAMUEL 20:3

David cu Jerusalem amang im ung gawk law ba neta, mang im m’htei khai ah a nawng shüt gui chubawk sing gha cu la gui ne, im ung chum gui ci. Ani naw ami ng’yak hlü pe gui ci, cun ung phi kä ng’yaw koh püi gui ci. Ngami cu ami ghin ah chüih chum ne tha gui ci, hmeinu ah mäih ah om ci gui.

1 GHANGPUGHANG GUI 8:63

Ani naw vantang lu 22, 000 la htome 120, 000 cu khawtsheng douthak nak ah khawihnah ci. Cun kawn ah Ghangpughang la chang avan naw Taigüim cu ap ci gui.