SAM 3:8 - Cho Bible Common Language 2016

⁸ Näng nak cu Bawipa ungka lawk ci nei. Ani naw a chang gui cu hrilham pe gui sä.

SAM 3:8 Referans Kwoze

ISAIAH 43:11

“Kei bäng nei Bawipa ah ka kiak, kei bäng naw nei, nangmi ka ning hun gui hning ci.

JONAH 2:9

Cun ung phi kei naw ng’äi ne ka ning m’tam khai nei; Khawihnah nak ka ning douthak khai nei, ka shaitak ah mäih ah ka bik khai nei. Hun nak cu Bawipa ungka lawk ci nei!”

HOSEA 13:4

Bawipa naw pyen ci, “Kei cu Egypt khaw ah ka ning law püi ba gui ciah Bawipa nami Khanpughi ah ka kyak ci. Kei ah kawn ah nangmi ung ahei Khanpughi kä om ci. Kei cu nangmi ah Hunbawi ah ka kyak ci.

THU PHLAAN 7:10

Ngami naw, “Hun nak cu mangkiaang ung gok ciah mi Khanpughi la Htomehta ungka lawk ci nei” cine m’lau ci gui.

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

LAMKTU 4:12

Ani bäng cun vah Hun Bawi ah kyak ci, khomdek ah khan ung ani ah kawn ah, mikmi na hun gui khai, Khanpughi ah ghü u kä om ci” ci neh m’hlan ba gui ci.

NG'THU K'THUUK~ 21:31

Nangmi naw ng’tuk bi nak vai ng’se nami gah ge khai, cun ung phi näng nak pek cicu Bawipa ah kyak ci.

LAMKTU 3:26

Cun ah kiah seih nang mi naw, nami shet katnak gui nawng shüt neh, hrilham nami gah vai ah, Khanpughi naw a ghü ah a mät ah chang shäm cu, ak htük bäih ah ning tüih law gui ci nei” ci neh Peter naw pyein ci.

SAM 72:17

Ghangpughang ah ming cu a u naw kä m’hnih en sä; Hni a ghin ah chuih aming thang sä. Khanpughi naw ghangpughang hriham a pek mäih ah changpakhui van naw hriham cu ng’zoi u sä.

JEREMIAH 3:23

Khomhtung khan ah khungzo kami khawihnah ah phäh ah keimi a i naw kä na m’htei gui ci nei. Israel gui m’htei gui cicu Bawipa kami khanpughi bäng ung ka lawk ci nei.

THU PHLAAN 19:1

Cun kawn ah khanmawpi ah chang khli ah k’aw ah mäih cu ka ng’yak ci. Cun ah k’aw naw Khanpughi m’kümtou vä, Khanpughi cu hun nak, bämang nak la hlüngtai nak awn be ci nei.

SAM 29:11

Bawipa naw ak chang gui cu thagui k’be gui ne, dimdeeih nak hriham pe gui ci nei.

1 PETER 3:9

Akshe cu akshe awn kä thung ne, ak kaa cu ak kaa awn kä nami sah vai, cun nak vai sü ung m’shumphyuk nak nami peit vai, a i ah kyasei ci ung, m’shumphyuk nak cu, Khanpughi naw a ning khü gui yah ung a ning peit gui vai ah a shaitaak ah kyak ci.

HEBRU 6:14

Khanpughi naw, “Kei ah ka shaitaak cu, ka ning m’shumphuk khai, pyiing ne ka ning ng’shon sak khai,” cik ci.

KHEI NAK 10:35

Thukhän M’küm tün ne a hteh law ba phung ung Moses naw, “Tho law ä, Bawipa, na ga gui püipyang sak gui ä!”

2 SAMUEL 23:12

Cun ung phi Shammah cu khüi ne loma ah ng’düi ne, shung gui ne, Philistin gui cu ngawn gui ci. Cu hnüüp ung Bawipa naw näng nak akdäm bik ci.

SAM 9:20

O Bawipa, kyihkyawk sak gui ä; Ngami chang düt ah ami kyak cu hmat sak gui ä.

SAM 31:16

Na changshäm cu m’gein ne na teng ä; Ng’täi ciah na m’hni nak awn na hun ä.

SAM 58:7

Ngami cu tui akawi ah mäih ah maih u sä; Ngami cu lam ung m’ghaw ah mäih ah güüt gui u sä.

SAM 119:94

Kei cu na na chang nei — na hun ä! Kei naw na thumkhän cu läk vai ah ka tha nak ci nei.