SAM 3:3 - Cho Bible Common Language 2016

³ Cun ung phi nang Bawipa cu, Kyih phyawn nak ah ka shawi ah na kyak ci; Nang naw näng nak na na pek ci, Ka tha gui phi na na be sak ci.

SAM 3:3 Referans Kwoze

SAM 27:6

Cun ah kiasei nak koi ciah gaa gui ah khan ah ka näng khai. A pum im kyong ah yei ne m’lau ne, khawihnah nak ka vawipet khai; Ng’äi ka m’cu khai, Bawipa ka m’tamkhah khai.

SAM 28:7

Bawipa naw na shung ne na vong ci; Ani cu ka ngaih u ci. Ani naw kei cu nam htei ne, na yei sak ci; yeikyai nak ng’äi awn kei naw ka m’taam ci nei.

ATÜNNAK 15:1

Cun kawn ah ang muimang ung Bawipa naw ng’thu püi sei Abram naw a hmuh ng’yak cu, “Abram, kä na kyih vai, kei naw nang cu ka ning shungvong khai, m’cümhnah aktung ka ning pek khai” ciah kyak ci.

SAM 119:114

Nang cu ka ng’yii nak la ka shung nak ah na kyak ci; na shaitak ung ka ngaih u om ci.

ISAIAH 60:19

Kho hnüüp ah khohni, khomü ah chapa cu, nang ah akdei ah kä kya ba khai nei; kei, Bawipa cu, angtäi dei ciah nangah akdei ah kyak khai nei; kei ah bäimang nak ah akdei cu na khan ah ng’shü khai nei.

SAM 62:7

Kei ana hun nak la ka m’taam nak cu Khanpughi ung ng’yung ci; Ani cu m’gäi ciah ka ng’yii bawi, Ani cu ka ng’yii nak ah kyak ci.

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

SAM 18:2

Bawipa cu kei ah lung, kei ah vongpang, Kei ah Hunbawi, kei ah Khanpughi, ani cu kei ah phyawn nak ah kyak ci. Ani naw shawi ah mäih ah na shung ci; Ani naw nang vong ne nak phyawn ci.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

SAM 110:7

Ghangpughang naw lam pei ah tuigei cu aw ne, k’thamah ne, näng ne, ng’düi khai.

SAM 4:3

Shüm ba vä, Bawipa naw amät ah chang vai ah düng ciah chang cu ghü ne, Kei ah khü cu ng’yak ci nei.

THU PHLAAN 21:11

Cun ah mang gaw cu Khanpughi ah bämang nak awn pyü ciah lung, vai ng’mo ah mäih ah ng’shü ne khang ci.

LUKA 2:32

Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.

THULÄÄN NAK 33:29

Israel gui, a i hlawk ah nami yei ci ang? Nang mi ah mäih ah Bawipa naw a hun ah pakhui a u kä om ci nei. Bawipa amät cu nami shawi la nami khim ah kyak ci. Acun naw ning shungvong gui ne, näng nak ning pe gui ci. Nami ga gui law u ne, nami chimgein gui vai ah ng’pa lawk khai gui. Nangmi naw nami kai na gui khai.

ATÜNNAK 40:13

Hnüüp thum ah kyong ung ghangpughang naw ning chah ba ne ning m’taam ne, na ngoh nak te ung ning hmoh ba khai. Zu cuung bawi ah na kyak man ah kya ba ne, ghangpughang am na tu ba khai nei.

ISAIAH 45:25

Kei, Bawipa naw Jakob ah hta ng’shon avan cu ka gung gui khai nei, Ngami naw m’tamkhah nak na pek khai gui nei.

2 GHANGPUGHANG GUI 25:27

Evilmerodak cu Babilonia ghangpughang ah a kyak law kum, ani naw Judah ghangpughang Jehoiachin cu thawng ungka luat sak ne amgein nak cu m’dang ci. Cun cu Jehoiachin thawng ung a kyum nak khokum a thumkip lei chih nak, a cha gha lei goi nak ah a hnüüp m’ku lei chih nak ung cun ah kya lawk ci.

2 GHANGPUGHANG GUI 18:30

Bawipa ngaih u vai ah ani ah tüphlawh nak cu kä nami ngaih vai. Bawipa naw ning hun gui khai ah kä nami ngaih vai, nami mang gaw tuk vai ah lawk ciah Assirian gakap cu ani naw ng’düm sak hlawt khai ah kä nami ngaih vai.

2 GHANGPUGHANG GUI 18:32

Uktubawi nami mät ah khaw ah mäih ah khaw, sapyit gui ah om nak, m’htut vai püm gui ah om nak; oliv ah om nak khaw, oliv-tui ah om nak, khoitui ah om nak ung ning om sak gui khai. Nang naw ani ah thumkhän ah mäih ah na bi ah a kyak ung, nang cu kä na sik khai, na ghing khai. Bawipa naw na ghung gui khai ci nei, Hezekiah naw a ning m’hleei gui cu kä nami ngaih en vai nei.