SAM 28:9 - Cho Bible Common Language 2016

⁹ Bawipa, na chang gui cu hun gui ä, na chang gui cu hrilham pe gui ä. Ngami ah htoshäm ah kya ne, angtäi sei m’hteihtang gui ä.

SAM 28:9 Referans Kwoze

ISAIAH 40:11

Ani naw a htaw gui cu htoshäm ah mäih ah m’htei gui khai; Ani naw ktome hta gui cu k’bum gui ne, a kut awn bäm gui khai; Ami nu gui cu ang awigi ah lamshüm gui khai. Israel gui ah Khanpughi.

SAM 78:71

Israel ghangpughang ah hmoh ne, Khanpughi ah chang gui ah htoshäm ah m’düih ci.

THULÄÄN NAK 9:29

Cun kawn ah mä shin gui cu na mät ah hmawk vai ah na ghü gui ah kyak ci nei. Dämduh ciah na huham la nam gäi nak awn Egypt khaw ah ka na law püi ba gui ah kyak ci nei.

MATTHE 2:6

‘Judea kho ung om ciah Bethlehem gawnu, Nang cu Judea kho gawnu gui ung, Ak yaw pibäih ah kä na kyak ci nei, Ka chang Israel gui, lam shüm gui khai cu, Nang ungka dang lawk khai nei’ ciah om ci,” ci ne m’thein ba gui ci.

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

EZRA 1:4

Omktu khaw ah om tuk ciah a chang tumat mat cu a law ba vai ah bawm vai a hlü ah a kyak ung, a pei ung om ci gui naw bawm nak ami pek vai ah kyak ci. Ngami cu ngui ghui ei awk gui vai la phuih taih sela gui awn bawm gui vai. Jerusalem ah Khanpughi ah Taigüim ung douthak vai phi pek gui vai.”

1 GHANGPUGHANG GUI 8:51

Ngami cu namät ah chang ah kyak ci gui, ngami cu mei däi ciah meibuum ah mäih ah kyak ciah Egypt kho ah ka na law püi ba gui ah kyak ci.

EPHESIAN 1:18

Kei naw ani ah ak dei cu nami m’lung awn nami hmuh vai ah ka ning k’thäh pe gui ci, cun ah kyasei, a i nami ngaih u vai ah a ning khü gui ah mawng, ak chang gui-am a peit ah shaitaak cu a i hlawk ah cäicat vai ah abä nak ah mawng,

SAM 25:22

O Khanpughi, na chang gui Israel gui cu, ami khüikha nak avan ung k’phyawn gui ä.

1 GHANGPUGHANG GUI 8:53

Chang avan ungka, ngami pupa gui Egypt ah ka na law püi ba gui yah ung na changshäm Moses am na pyen nak ah kyak ci.

MIKHAH 7:14

Bawipa, na ghü ah na chang gui cu, htoshäm ah mäih ah m’htei ba gui ä. Ngami cu bung puk ah om pang u sei phi, khaw ng’lei ni naw koi gui ci nei. Acau ka ah mäih ah ei ada nak ah Bashan la Kilead khaw ung hteh püi gui ne tu m’bei gui ä.

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

JEREMIAH 31:7

Bawipa naw pyen ci, “Pakhui gui ung akdäm pi ah kyak ciah Israel ah phäh ah yei ne ng’äi m’cu vä. M’hlüng tai nak ah ng’äi cu m’cu vä, Bawipa naw a chang gui cu hun pyi ci nei; ‘Pawih ba ci gui ami van cu gung gui pyi ci nei.

JEREMIAH 10:16

Jakob ah Khanpughi cu cun gui ah mäih ah kä kyak ci; ani cu apäng tüipyang ciah tumat nei, ani naw Israel gui cu amät ah chang tu k’cang ah ghü gui ci, m’gäi ciah Bawipa cu ani ah ming nei.

ISAIAH 46:3

Na ngai vä, Jakob ah hta ng’shon gui, k’pawih ciah kei ah ka chang gui. Nangmi nami hmi law ung tün ne kei naw ka ning m’htei htang gui ci nei.

SAM 14:7

Näng nak cu Zion m’htung ungka Israel gui ung gawk law khai, ciah ka taigü ci. Bawipa naw ang bühmang law ba sak gui ung, Israel chang gui cu ang htei ah yeikyai khai gui nei.

MIKHAH 5:4

Ani a law ung a chang gui cu Bawipa ungka lawk ciah thagui la amät Bawipa Khanpughi ah m’gäi nak awn uk khai. A chang gui cu phiawng ne om khai gui, m’dek khanchang van naw an ah dämduh nak cu m’taam khai gui.

2 SAMUEL 21:3

Cun ah kyasei David naw Gibeon chang gui cu khü thäh gui neta, a pyen nak gui cu, “Nang mi ah phäh ah a i ang ka bi hning kaw? Kei naw nangmi ah khan ah katnak ka bi cu ka pyang hlük ci, cun ung nang mi cu Bawipa ah chang ah hriham na mi gah khai” cik ci.

2 SAMUEL 7:7

Israel chang gui awn ka ng’hleh nak avan ung, a i ah kyasei cedar sing awn pum im kä ami na cawh pek cu a u ng’vai phi kei naw kä ka ng’shi phung man ci.

THULÄÄN NAK 32:9

Cun ung phi Jakob ah htangshon gui cu, amät ah hmawk ah ghü gui ci.

THULÄÄN NAK 1:31

bungpuk ung nami hmuh ah mäih ah kyak khai. Ani naw lam pum ung shin ah hmun ung khüt lawk khai ah apa naw a hta apäm ah mäih ah ning law püi gui ci.’

THULÄÄN NAK 9:26

Cun kawn ah kei ka taigü ci, uk ciah Bawipa, na mät ah chang gui cu kä m’di gui ä, ngami cu dämduh ciah na thagui la na huham awn gung gui ne, Egypt khaw ah ka na law püi ba gui ah kyak ci nei.