SAM 28:5 - Cho Bible Common Language 2016

⁵ Bawipa naw a i a bi lawh, a i a tüi pyan cu ngami naw kä hmat thei ci gui nei. Cun ah kyasei ngami cu ani naw m’kyuk gui ne, ngawi güt m’di gui khai nei.

SAM 28:5 Referans Kwoze

ISAIAH 5:12

Nami zu im ung hting ni k’vei ni, phiphät ni — zu ni nami mang ci. Cun ung phi Bawipa naw a i a bi cu kä nami hwat ci,

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

JOHAN 12:37

Ami hmuh vai ah cäi aih vai gui m’dang sei phi ngami naw kä yum ci gui.

SAM 10:5

Changshe cu a päng ung näng ci Khanpughi ah ng’thumcha nak cu kä hmat hlawt ci; a ga gui phi m’lep gui ci.

2 SAMUEL 7:13

Ani cu kei ah phäh ah pum im co ciah chang tumat ah kyak khai, ani ah uknak khaw cu ng’täi ne om khai ah kei naw akcang ah ka pyang khai.

ROMAN 1:20

Khanpughi naw shin ah khomdek khan a tüi pyan ung tün ne ani ah ng’täi ciah kä hmuh hningah hlüngtai nak la Khanpughi ah a kiak nak ah ang yung cu chang gui naw ang dang ah hmuk hmat ci gui. Cun ah ami hmuhmat cu Khanpughi ah tüi pyan gui ami hmuhmat nak awn ah kya ci. Cun ah kyasei chang gui cu ami katnak ah hmawk ah kä küi hlawt ci gui.

HOSEA 14:9

Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.

JEREMIAH 31:4

Hnü ät mä kei naw ka ning cokyang ba gui mä khai. Hnü ät mä nangmi naw nami thing sheei tum ne yeikyai ne nami ng’lamba mä khai.

ISAIAH 45:18

Bawipa naw khankho gui tüisho ci ani tumat bäng khanpughi ah kyak ci! Ani naw m’dek cu m’hnüm ne pyang ci ani naw müi ne khäng khai ah pyang ci. Ani naw khaw k’shiu ah a pyan ah kä kyak ci, chang ah om nak ah hmun ah a pyan ah kyak ci. Ani naw thu a pyen cu, “Kei cu Bawipa nei, a hei khanpughi kä om ci nei.

ISAIAH 45:12

Kei cu khomdek tüi pyang ciah ka kyak ci, a cun ung om ciah hmun ung chang phi ka tuisho ci. Ka huham awn khankho cu k’phiäh ne, hni, cha, aisi gui cu ka kut shum ci.

ISAIAH 45:8

Kei naw näng nak cu khomik ung ka, kho k’aa ah mäih ah ka yuk chah khai; khomdek naw ng’hmawng ne a cun cu dou sei, pängze nak la taga nak ah vuipai khai. Kei, Bawipa naw shin ah kyak ah ka bik khai.”

ISAIAH 40:26

Khomik cu han dan vä! Nami hmuh ah aisi gui cu a u naw a pyan ang? Gakap ah mäih ah lam shüm gui ci naw apian nei, Ani naw a i chü lawk ci gui ah hmat gui ne, ami ming phäh phäh ung khü gui ci — Ani ah huham cu dämduh aih ne, Cun gui ung ka tumat phih kä chük man ci nei!

ISAIAH 22:11

Cau tuishawk ung ka long lawk ciah tui m’cun nak vaiah Mang gaw kyong ah nangmi naw tuikan nami co ci. Cun ung phi shin gui avan cage tün ne pyang ne, kiaksak ciah khanpughi cu a i ah kä nami ngai ci.

SAM 104:24

Bawipa, nang naw akchün akda na tüisho ci! A i hlawk ah cüivai ne na pyan gui ang. Khomdek cu na tüisho awn be ci nei.

1 GHANGPUGHANG GUI 11:38

Nang naw kei cu akbe ah na ng’ngai ne, ka thukhän awn ghing ne, ka changshäm David ah bi ah mäih ah, ka thumkhän ah mäih bi ne, ka ng’yak hlü ah na om ah a kyak ung, kei naw angtäi sei ka ning om püi khai. Kei naw nang cu Israel ghangpughang ah ning pyang ne, nang ah kawn ah na hta ng’shon gui naw ami uk vai cu ng’hteicha khai ah ka bik khai, cun cu David ung ka bi ah mäih ah kyak ci.

2 SAMUEL 7:27

Hlüngtai ciah Bawipa, Israel gui ah Khanpughi! Kei naw nang ah shin ah taigü ka taigü vai ah tha gui om ci nei, a i ah kyasei ci ung nang naw shin gui avan cu kei, na changshäm ung na m’dang ci, ka hta ng’shon gui ghangpughang ah na pyang gui khai ah phi na na m’thein ci nei.

KHEI NAK 23:23

Ngami pluh sheh nak vai, cunkce a i kä om ci. Cun cu Israel pakhui ung hnungtuk ne mang ne kä gah nei. Tuhbäi chang gui naw Israel gui ah mawng cu ‘Khanpughi naw abi cu teng nei,’ cine pyen khai gui.

SAM 8:3

Na kut m’dawng awn na pyan ah khankho mik la na k’süm ah cha la aisi gui cu ka teng ung