SAM 28:4 - Cho Bible Common Language 2016

⁴ Ami bi pyi gui ah hmawk la ami chei ah katnak ah hmawk ah m’shet gui ä. Ami om ih ah ciah m’kat gui ne, ami bilawh ah ciah thung gui ä.

SAM 28:4 Referans Kwoze

THU PHLAAN 22:12

Bawipa Jesuh naw, “Ngai vä, kei ka kyum law ge ci nei. Chang gui-am ami mät ah bi ah ciah peit gui vai ah m’cümhnah nak cu ka law püi khai nei.

2 TIMOTHI 4:14

Kyeei sheh ciah Alexander naw kei cu ak kaa ah na kyak na tuk ci nei, amät ah bi ah khan ah Khanpughi naw a gah vai cu pek khai nei.

THU PHLAAN 18:6

Ngami ah khan ah abi ah mäih ah, Ani ah khan ah bi tu ba vä; Ani ah bi ah mä goi khai ah, Ani ah khan ah phu tu ba vä; Nangmi ah hmawk ah a ning pyan peit gui ah mä, a goi ah kha pi khai ah a khap cu pyan pe vä.

ROMAN 11:22

Shin ung Khanpughi cu a i hlawk ah chang m’gein ci la, a i hlawk ah nget ngawng ciah mi hmuk ci. Khanpughi naw katnak bik ciah chang gui cu ak nuipai ah m’khom chaa gui ci. Cun ung phi nang mi cu a ning m’gein gui khin vai ah nami om ah a kyak ung, Khanpughi naw ning m’gein gui khenggeng ci; cun ah kä nami om ah a kyak ung nang mi cun phi chu pit ne ning ghawt gui khai.

EZEKIEL 38:10

Shin cu uktu Bawipa naw Kok a pyen nak ah kyak ci: “Cun ah khin a gawk law ung akshe bi vai cu nang naw tün ne na ngaih-tüh khai.

SAM 103:10

Ani naw mi shetkat ah mäih ah kä na m’kyuk gui ci, mi katnak la mi cheishoh ah mäih ah kä na thung gui ci.

SAM 62:12

Ani ah m’hni nak cu ng’täi ci ciah kyak ci. O Bawipa, nang naw chang avan cu amät ah om ih ciah na m’cümhnah ci.

SAM 5:10

O Khanpughi, m’kyuk ne m’kat gui ä; Ami mät ah ng’zihkuh nak naw ami mät chah gui ci nei. Ami katnak gui la ami ning hnu ng’tuk püi ah hmawk ah, Na ma ungka naw k’täm gui ä.

EZRA 9:13

Apäng päng cu kami khan ah kya law ne, kami katnak la cheishoh nak ah khan ah m’kyuk nak om sei phi, Kami Khanpughi naw kami katnak ah ta ng’neim tuba khai ah na m’kyuk gui ci nei ci la ghing ne om vai ah ana om sak gui cu, kami hmat ci nei.

SAM 21:10

Ami hta ng’shon tumat phi ka om ba khai, Ghangpughang naw ngawn gui yawp khai.

2 SAMUEL 3:39

Kei cu Khanpughi naw a ghü ah ghangpughang ah ka kyak ung phi, tuh ngawi ka tha ken ci nei. Shin ah Zeruiah ah hta gui cu kei ah phäh ah ta, m’gäi m’cik aih ci gui nei. Shin ah chang chei yeeih gui cu ami katnak ah ciah Bawipa naw m’kyuk gui sä” cik ci.

NG’ÄI KYAH 3:64

“O, Bawipa ami bi ah phäh ah m’kyuk gui ä.