SAM 28:2 - Cho Bible Common Language 2016

² Na nam htei vai ah ka m’lau ung, Na pum im theing lam ah ka kut ka k’shäng ung, na ngaih pe ä.

SAM 28:2 Referans Kwoze

SAM 138:2

Theingcim ciah na pum im man ne, m’khuukdong ne na ming ka m’tam ci nei, a i ah kyasei ci ung ng’täi ciah na m’hni nak la na bekhüt nak ah hmawk ah kyak ci, a i ah kyasei ci ung na ming la na thumkhän a hlüngtai ah hmawk ah kyak ci.

SAM 141:2

Ka taigü cu ang ui ah mäih ah kakut ka shäng cu mühun lam ah khawihnah ah mäih ah na dou pe ä,

1 TIMOTHI 2:8

Khritha gui ah bum nak phung ung, pami ng’vai gui ami taigü vai, ngahmi cu Khanpughi ah ng’ap pyi ci gui ah kya ne, m’lung she nak la cuhcan nak kä om men sei, ami kut chang ne ami taigü vai ah ka ng’ya hlük ci nei.

SAM 140:6

Kei naw Bawipa am, “Nang cu ka ning Khanpughi nei.” Ka m’lau cu ng’ya ne, na m’htei ä, Bawipa!

SAM 134:2

Pum Im theing ung nami kut shäng ne, taigü ne, Bawipa cu m’taam vä!

SAM 5:7

Cun ung phi küikyang ciah na m’hni nak awn, nang ah im khui ah ka law hning ci nei; Na Taigüim theing ung khawihnah hning ne, Na ma ah kawp ne ka ning m’tam khah hning ci nei.

DANIEL 6:10

Cun ah thu k’bäi ami guk cu Daniela naw hmat neta, a im ah hteit ba ci. A im akhan kyong ah Jerusalem täng ah mang ciah m’kawt gui om ci. A cun ung ani naw akphlüt sei a bi man ah mäih ah, m’kawt hmawng ne m’khuuk dong neta, hnüüp ät ung thum vei ci, Khanpughi ah taigü ci.

NG’ÄI KYAH 2:19

Amü pum pum, tho law ba ba ne, Bawipa ah ma ah kyap ci gui. Nami m’lung kyong gäsei u ne, nami htau nau gui ah khan ah chimgein gui vai ah ng’hui ng’pa vä. A hmaw hta gui cu lam ng’kit päng ung ei cawi ne si vai ci gui nei.

SAM 143:6

Na ma ah ka kut shäng ne ka taigü ci; kho ng’gau kho ah mäih ah ka mümcha naw tui ah gha ne ning ng’ya hlük ci.

SAM 125:5

Cun ung phi changshe gui na m’kyuk gui yah ung, na lam ng’pleng tak ci gui cu, yuk m’kyuk gui ä. Israel gui ah khan ah dimdeeih nak om sä!

SAM 63:4

Ka ghin ah chuih ka ning m’hlüngtai khai nei; ka kut shäng ne taigü ne ka ning m’taam khai nei.

2 SHONTÄP NAK 6:13

(Solomon naw kyei chagä cu pyang neta kyong ah anglung ung tha ci. Cun cu a yun akdang dawng hma ci law ne m’khuukdong neta, chang nü naw a hmuh vai ah khankho ah a kut shäng ci.)

1 GHANGPUGHANG GUI 8:38

ami taigü cu ngaih pe gui ä. Na chang Israel ungka gui cu ami m’lung thüisei, Taigüim täng ah ami kut shäng ne, ami taigü ung,

1 GHANGPUGHANG GUI 6:19

Taigüim a hnu täng ah akyong ah akhan pyang ci gui, cun cu Bawipa ah Thukhän M’küm tha nak vai ah kyak ci.

1 GHANGPUGHANG GUI 6:5

Akpung täng k’pang hnungtuk püi ne, Taigüim ah ang leng la a hnu täng ung, that thum ci lawk ciah im hta gui ak m’dün ne co ci gui, that ät ung dawng phli la khap ciah hlüng ci.

SAM 130:2

O Bawipa, ka m’lau cu na ng’yak pe ä; Na na m’htei vai ka ng’khü cu na ngaih pe ä!

SAM 141:1

Bawipa, ka ning khü ci, tuhbäi na m’htei ä! Ka ning khü ung na ngaih pe ä.

DANIEL 6:11

Daniela ah a ga gui naw Khanpughi ah ak taigü cu hmat u neta,