Biblia Todo Logo
Bib sou entènèt

- Piblisite -




SAM 27:5 - Cho Bible Common Language 2016

5 Geinvai yah ung ani naw a im ung na ng’yii sak ne; pum im kyong ah phyawn vai ah na thup ci, hlüng ciah lung tung khan ah na taih ne na phyawn ci.

Gade chapit la Kopi




SAM 27:5
33 Referans Kwoze  

Bawipa cu khänghtek ciah tänghän ah kyak ci. A cu ah dung ciah chang gui hteit u ne phyawng m’htein ci gui.


Ngami cu chang gui ah cicum nak ung la ga gui ah bi nak ung phyawng khai gui ah nang naw ng’yii nak ung na thup gui ci.


Kei cu khüikhai nak naw ana ng’vong yah ung, nang naw na na k’phyawn ci. M’lungshe ciah ka ga gui cu nang naw hnu ng’tuk püi gui ne na huham awn na na hun ci.


Phyawn vai ah Bawipa ah hteit ci phung, Am’gäi ah shung vong nak ung om ci phung naw, ama ah


Nang cu ka ng’yii nak la ka shung nak ah na kyak ci; na shaitak ung ka ngaih u om ci.


Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”


Kei cu di nak ah khui la ng’än nai ung ka na khui ba ne, lung khan ah na m’düih ne nak phyawn sak ci.


Nangmi nami sih ung nami hnun gui cu Bawi Khrit awn Khanpughi ung ng’thup ciah kyak ci.


Na mik cang awn na tengkhen ä; na ng’phia hniim ung na thup ä,


Khanpughi cu mi ng’zi nak la mi thagui ah kyak ci. Mi geinvai law ung na m’htei gui ge khai ah om ci.


Ka chang gui aw, nami im kyong ah lut ba vä, nami shoh khai vä. Khanpughi ah m’lungshe nak ang pyi güt akhäng hta nami ng’thuh cang vai nei.


Ami na khü ung ka m’shang gui khai. Ami geinvai yah ung ka om püi gui khai. Kei naw gung gui ne, ka m’taam gui khai.


Kei cu na m’gein ä, Khanpughi, na m’gein ä, phyawn nak gah vai ah ka lawk ci nei. Pui khokhi kä a ng’düm pha ah chuih na ng’phya hnim ka ah ka ng’yii ci nei.


Ngami tumat ci cu, khokhi ung ng’shung nak, puikhokhi ung ng’thuh nak ah hmun ah kyak khai gui nei. Ngami cu khong gau kho ung long tui ah mäih, ng’kiangma kho ung om ciah lung k’pou nu ah ang hnim ah mäih ah kyak khai gui nei.


Ngaih u maih ne, im sho sei, ka ning khü ci nei. Phyawn nak ah lung ung na hteh püi ä.


Ka khaw cu kigang ah khaw ah mäih ah na yaang sak ne, m’htung lai ah phawng ne na ng’düih sak ci.


Ngami cu nak chang gui hnu ng’tuk püi gui vai ah m’zih ne pawng ci gui nei; Na shungvong ah chang gui cu ng’hnu ng’tuk püi ci gui nei.


Khüikha nak a gawk law yah ung Bawipa ah ka taigü ci; Khawmü pum kut shäng ne ka taigü ci, cun ung phi m’lung üp nak kä ka hmuk ci.


Nang naw na chang gui cu na m’kyuk ci nei, BAWIPA, ngami cu cümbawng ne, nang ah taigü ci gui nei.


A i ah kiyasei na ng’shawng aih ang, Bawipa? Keimi kami khüikha sangung a i ah kyasei na mät na ng’thuh ang?


“Aw Jerusalem! nang naw profet gui cu ngawn ne Khanpughi ah ng’shä tüih gui cu lung awn na vawi ci nei, ainu naw ang phiaa awn aihta gui ak boop gui ah mäih ah nak chang gui kei naw ka kut ng’hnim ung ka koi nak gui cu sho law aih ci nei, cun ung phi nang naw kei cu kä na na dou ci.


Ani cu ghangpughangnu Ahtaliah naw a uk yah ah chuih khokum chuk ung a cu ah ng’thup ne om ci.


Bawipa cu m’taam nei. Nak koi ne ami na tuk yah ung kei ah hmawk ah am hni nak am dang cu, cäicat vai kyak ci nei.


Ng’äi thai kam cu vai ah ani naw na m’thei ci, mi Khanpughi m’taam nak ah ng’äi ah kyak ci. Shin hmuk ciah chang akda cu hmat law u ne kyikyawk neta, ngami cu Bawipa ung ng’ap khai gi nei.


Nang cu ka ng’yii nak ah na kyak ci, ka gaa gui awn ng’tuk nak ung ka ng’shung nak ah na kyak ci.


Swiv nou:

Piblisite


Piblisite