SAM 27:4 - Cho Bible Common Language 2016

⁴ Kei naw a mawng tumat Bawipa ah ka ng’zoi ci, Tumat bäng ka ng’yak hlü ah kyak ci: Cun cu Bawipa ah im ung ghin ah chuih ka om vai la ani nak ung cäicat ne, alam shüm nak ka hmuh vai ah kyak ci.

SAM 27:4 Referans Kwoze

SAM 26:8

O Bawipa, na om nak ah im la, na bämang nak ah hmun cu ka m’hni ci nei.

SAM 23:6

Na ni nak la na m’hni nak cu ka ghin nak avan ung om ciah ka hmat ci; Bawipa ah na ghui im ung kei cu angtäi sei ka om khai nei.

SAM 65:4

Na ghü ah chang gui la na phung ung om khai ah na ghü ah chang gui cu yeikyai u sä. Keimi cu na im kyong ung akni gui la na pum im theing ung na hriham awn kami ng’büh ci nei.

SAM 84:4

Na pum im ung om ci gui cu yeikyai aih ci gui nei, Ang täi sei ng’äi m’cu ne ning m’taam ci gui nei.

SAM 84:10

Na Pum im ung hnüüp ät om cu a hei ung ah hnüüp phia gha om ah ta bä pi ci nei. Changshe gui ah im ung om ah ta, ka Khanpughi ah Im kawt pei ah ng’düih cu ka m’hni pi ci nei.

LUKA 10:42

Mari naw aknipi ghü pyi ci, cun cu a u naw kä gut hlawt khai” cik ci.

SAM 27:8

Nang naw, “Law ne na khawihnah ä” na ci ung “Ka lawk khai nei, Bawipa” cine ka ning m’shang ci.

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

JEREMIAH 29:13

Nangmi naw nami na shui khai, nami na hmuk khai, a i ah kyasei ci ung nangmi naw nami m’lung kyong avan awn nami na hmuk khai.

PHILIPPIAN 3:13

Phäi nau gui aw, kei naw cun kä dou pha cu ka hmat ci nei: tumat kei naw ka k’tha nak cu ka hnu ah kaa gui phung cu m’hnih shüt ne, ka ma ah ng’dang lawk ci ung ka gawk vai ah kyak ci.

HEBRU 11:6

Zum nak kä om ci naw Khanpughi kä yei nak ci. Khanpughi om ci, cine Khanpughi shui ci naw m’cümhnah nak gah ci.

SAM 90:17

Bawipa kami Khanpughi, na hriham cu keimi ah khan ah gawk law sä. Kami bi nak phung ung näng nak na pe gui ä!

2 KORIN 3:18

Mikmi mi van ah hmai cu a i naw kä shung ba sei, Bawipa ah bämang nak naw na khang gui ci: Acun ah bämang nak cu Mumcha ah kyak ciah Bawipa ungka law ne, Amät ah müi ah na ng’huh püi gui sei, ang tät ah abämang nak cu hlüngtai ci.

LUKA 2:37

Ani cu tuhbäi a khokum cheit-kip-lei-phli law pyi ci. Ani cu amü ak hnüüp Taigüim ah om ne ei hlawi ne taigü ci.

DANIEL 9:3

Kei cu düng nak awn Bawipa Khanpughi ah ka taigü ci, ani ung ka ng’coi pak ci, ei ka hlawi ci, sui she sui ne m’vut ung ka ngok ci.

SAM 50:2

Khanpughi cu Zion ah khan ah yuk shü ci, cun ah mang gaw cu kyom ne kümbe ci.

LUKA 18:1

Cun kawn ah Bawipa Jesuh naw, ang düihpüi gui-am, kä kya düt en ne angtäi ah ami taigü vai ah, m’tumtäng ne m’thei gui ci.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

LUKA 13:24

“Nangmi cu ng’hteik ciah m’kawt ung nami luh vai ah k’tha na vä. Chang akda naw cun ah m’kawt ung luh vai ah k’tha nak ci gui. Cun ung phi ami luh nak hlawt vai ah k’thagui kä om ci.

1 TIMOTHI 5:5

A mät om ciah hmeinu cu m’hteihtang khai a u kä om sei, Khanpughi ngaih u ne, amü ak hnüüp taigü ne ng’yoi thäh ci nei.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

SAM 26:6

Bawipa, kei cu ka kut m’si ne, katnak kä a om ah mawng ka m’dang ci, mang kyang veing ne ka khawihnah ci nei.

2 SAMUEL 21:1

David naw a uk yah ung khaw kum thum ung ei khaw yaw ci. Cun ah kyasei David naw a cun ah mawng cu Bawipa am m’thein ci, Bawipa naw, “Saul la akyong chang gui naw chang ngawn ci gui; Ani naw Gibeon chang gui cu sih nak ung tüi gui ci.”

1 SAMUEL 1:11

Hannah naw akthuuk ah shaitak ci: “Ak hlüngtai Bawipa, na teng ä, na changshäm! Ka khüikha nak cu na hmuh pe ne, na shüm ä! Kä na m’hnih ä! Htapa na na pek ah a kyak ung, a ghin nak avan cu nang am ka ning ap khai ah shai ka tak ci nei, ani naw a lusam cu kä at phung khai nei.

1 SAMUEL 30:8

David naw Bawipa han ng’shi ne, “Cun ah tu lawk ciah chang gui ka läk gui vai aw? Ka pha gui vai aw” cik ci. Ani naw, “Ami hnu ah läk gui ä, pha gui ne, amo pha gui cu gung gui ä,” cik ci.

1 SAMUEL 22:10

David naw a i abi vai ah mawng cu Ahimelek naw Bawipa ng’shi thäh ci, cun kawn ah David am ei m’bei ne, Philistin Koliath ah khim cu pek ci,” cik ci.