SAM 27:3 - Cho Bible Common Language 2016

³ Gaa kap mo ng’nän naw ami na koi ung phi kei cu kä ka kyik khai; Gaa gui naw ami na tuk ung phi, Khanpughi ung ka ng’ap kheng geng khai.

SAM 27:3 Referans Kwoze

SAM 3:6

A kit päng ung veing ne nak koi ciah ga phya khak phi kä ka kyih ci.

1 PETER 3:14

Cun ung phi akni nami bi ah hmawk ah ning shedam nah gui ci a om ung, yeikyai vä, kä kyikyawk en vä, kä ng’ä ng’ai en vä.

PHILIPPIAN 1:28

Nami gaa gui cu kä nami kyih en vai; ang täi sei nami lingtha vai, Cun cu nami gaa gui ah dawng nak vai la nang mi ah näng nak vai ah mawng m’dang nak ah kyak ci, a i ah kya sei ci ung nangmi am näng nak ning pe gui cicu Khanpughi ah kyak ci.

THU PHLAAN 2:10

Zaica nak na awt vai ah api ah phi kä na kyih-en vai nei. Nangmi amshah gui cu khawshe naw thawng ung ning chum gui netah, ning k’cet gui khai nei, hnüüp gha ah kyong ung yaica ne na om khai nei. Na sih ung khüt sei bekhüt ne om ä, kei naw näng nak ah ng’cheng ghin nak ka ning pek khai.

JOB 4:6

Nang cu Khanpughi na khawihnah ci kya ne, na ghin nak ung pyen vai kä om ci, Cun ah kyasei nang ung m’lung üpnak la ngaih u nak a om vai kyak ci.

SAM 52:6

Düng ciah chang gui naw cun cu m’hmuh u ne ta, kyik khai gui; Ngami naw nang cu ning gaih tu u ne ta,

2 SHONTÄP NAK 20:15

Jahaziela naw, “Ka Bawimang, Judah la Jerusalem ung chang gui avan aw, Bawipa naw pyen ci, kä nami k’tha ken en vai, shin ah gakap gui awn ng’awt vai ah kä nami kyih en vai, ng’tuk nak cu Khanpughi ah kut ung om ci, nangmi ung kä om ci.

1 SAMUEL 19:8

Philistin gui awn ng’tuk nak om law ba mä ci. David naw tu gui ne, hnim gui ci, ngami cu püipiang ci gui.

SAM 3:7

Law ä, Bawipa! Na hun ä, Ka Khanpughi! Ka ga gui avan cu na m’kyuk gui ci, Ami na huut nak ah huham phi maih sak ci.

SAM 112:7

Ani cu thushe ang yak ung phi kä kyih ci; a yum nak cu khüighat ci, Bawipa ung ng’ap ciah kyak ci.