SAM 27:11 - Cho Bible Common Language 2016

¹¹ Bawipa, na ng’yak hlü ka bi vai ah, nam thei ä, phyawn nak ah lam düng na m’shüm ä. Kei cu ka gaa da aih ci nei.

SAM 27:11 Referans Kwoze

SAM 5:8

Bawipa, kei cu ka ga da aih aih ci nei! Na ng’yak hlü ka bi vai ah lam na m’shüm ä; Ka ning läk vai ah na lam na pyan pe ä.

SAM 86:11

Bawipa, ka bi vai na ng’yak hlü cu na m’thein ä, kei naw bekhüt ne ka ning läk khai nei. Akbe ah na khut ka bi vai ah na m’thein thang ä.

SAM 26:12

Kei cu kyihshe ci phung ka phyawn nak ci, ak chang hli ah ng’lung ah Bawipa cu ka m’taam khah ci.

SAM 119:10

Ka m’lung kyong van awn na khut bi vai ah ka tha nak ci nei; Na thumkhän ka läk nak hning vai ah na kutshum ä.

SAM 64:6

Ngami naw akshe pawng püi u neta, “Keimi naw kümbe ciah cheishoh nak kami pawng püi ci,” cik ci gui. Chang ah m’lung la ngaih cu thuk aih ci nei.

ISAIAH 35:8

A cun ung lam ng’kiung nu om khai, cun cu “Theingcim khaw ah Hteh nak lam” ah pyen ci gui. Kat nak bik ciah chang phung cun ah lam ung kä hteit tuk khai; A u akgutak naw phi cun ah lam ung hteit cicu lam hma khai ah kä m’shüm khai.

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

SAM 25:9

Am lung neim ciah chang gui lam düng m’shüm gui ci, Amät ah ng’yak hlü phi m’thei gui ci.

LUKA 20:20

Cun ah kyasei ngami naw ami phaa nak vai ah m’kawt cu shui ci gui. Ang thu a hma law ung Roman bawi-am pha ne ap vai ci ne, chang k’ni ah ng’shei ciah chang gui cu Bawipa Jesuh ah tüi ne ng’shi sak ci gui.

NG'THU K'THUUK~ 8:9

Cun gui ah kyong ung cun gui avan cu hteicha ci. Akbä ah pyensak avan cu ng’kheing ci.

SAM 25:12

Bawipa chang m’sui ci gui naw, ami läk vai ah lam cu ng’thei ci gui nei.

NG'THU K'THUUK~ 15:19

Dam ciah chang gu a gawk nak phung ah khüikha ci, düng ciah chang cu geinvai nak kä om ci.

SAM 54:5

Khanpughi naw ka gaa gui cu ami mät ah katnak awn m’di gui sä. Ani cu bekhüt ci kya ne, ani naw m’di gui khai nei.

SAM 5:9

Kei ah ka ga gui ah thu ung bekhüt nak kä om phung ci; Ngami naw ah m’di hlü bäng ci gui. Ngami ah ng’thu cu ng’awi gi müi ne, hnip ci, Cun ung phi chang m’di nak ah hleei awn be ci.

SAM 139:24

Kei ung akshe a pi hta a om ung phi na hmuh peä, angtäi ghin nak ah lam cu na m’shüm ä!