SAM 26:9 - Cho Bible Common Language 2016

⁹ Cheishoh ci gui awn atäng ah kä na m’di en ä, Chang ngawn ci gui awn na ng’shawng sak ä.

SAM 26:9 Referans Kwoze

SAM 139:19

O Khanpughi, changshe gui cu na ngawn gui vai ka ng’ya hlük ci nei! Kiawi m’sau ci gui naw ami na hteh tak vai ka ng’ya hlü aih ci nei.

MATTHE 25:46

Cun na kyasei ngami cu angtäi ah shetkat nak gah khai gui. Düng ciah changnigui läi cu angtäi ghin nak kho ah gawk khai gui.

MATTHE 25:44

“Cun ah chang gui naw, ‘Bawipa, nang ei na cawi, tui na gha khin ah na kiak, sui ah nak kheei, na gawpai, thawng ung na kium cu ning hmu lang ne. A i yah ung ang kä ning tu m’bei, kä ning m’hteihtang ah kami om’ cine pyein tu ba khai gui.

MATTHE 25:32

Cun yah ung kho nüng ah kaa changpakhui avan cu ama ah ng’cut lawk khai gui. Htoshäm naw hto la me khoichaa ah mäih ah chang ah Htapa naw phi chang gui cu k’pai ne m’khoichaa gui khai.

MATTHE 24:51

ak nui ah tuthat sei thuvi chang gui ah gah ah mäih ah gah khai nei. Ani cu kyap ne m’lau ne aha htui ne gein vai khai nei.

MALAKHI 3:18

Cun kawn ah mä ng’düng ci gui la chang shekha gui ah khan ah, ka khuut bik ci la kä bik ciah khan ah, a i ah a kyak law cu ka chang gui naw hmuk khai gui nei” cik ci.

SAM 55:23

O Khanpughi, cun ung phi nang naw, Chang ngawn ci gui la m’gu hleei ci gui cu, ng’cim hmun ung na hteh sak gui khai, ngami cu kä chang cawih khai gui. Cun ung phi kei läi cu nang ka ning ngaih u khai nei.

SAM 51:14

O Khanpughi, ka ghin nak cu na pyang pe ne, na hun ä, kei naw yeikyai ne nang düng nak ka shüm khai nei.

2 SAMUEL 21:1

David naw a uk yah ung khaw kum thum ung ei khaw yaw ci. Cun ah kyasei David naw a cun ah mawng cu Bawipa am m’thein ci, Bawipa naw, “Saul la akyong chang gui naw chang ngawn ci gui; Ani naw Gibeon chang gui cu sih nak ung tüi gui ci.”

2 SAMUEL 16:7

Shimei naw ani taam ne a pyen cu, “Hteit ä! Hteit ä! Chang ngawn ci! Cawi m’sa ci!

1 SAMUEL 25:29

Chang tumat mat naw, ning tu ne, a ning ngawn hlü ah a kyak ung, chang naw a khawh ni a ngäng ah mäih ah Bawipa na Khanpughi naw ning phyawn khai. Na ga gui läi cu, chang naw yaili ung lung a kah ah mäih ah Bawipa naw k’täm ne gawt gui khai.