SAM 26:11 - Cho Bible Common Language 2016

¹¹ Cun ung phi, kei läi cu, düng ci ka bik ci, kei cu na chimgein ne, na hun ä!

SAM 26:11 Referans Kwoze

SAM 69:18

Kei ah law ne na hun law ä; ka gaa ah kut ung na gung ä.

SAM 26:1

O Bawipa, kei cu düng ci bi ne, nang ung akbe ah ka ng’ap ci kyasei, Kei täng ah na bi lawh vai nei.

1 THESSALONIAN 2:10

Nangmi cu keimi ah saksi ah nami kyak ci, Khanpughi phi saksi ah kiak ci; a i ah kyasei ci ung keimi cu yum nak om ciah nangmi awn mi ng’hmuhteng nak ung shetkat nak kä om ne ci cim nak la düng nak om ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

LUKA 1:6

Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.

ISAIAH 38:3

“Na shümbaä, Bawipa, kei naw bekhüt nak la düng nak awn nabi ka bik ci nei, nang naw ka bi vai ah na ng’yak hlü gui cu k’tha na ne ka bik ci nei,” Cun ci neta ani cu aktä ah kyap ci.

SAM 49:15

Cun ung phi Khanpughi naw na k’phiawn khai; sih nak ah huham ung na hun khai.

SAM 49:7

Chang naw amät kä gung hlawt khai; A hnun gui ah phu Khanpughi am kä pe hlawt khai,

JOB 1:1

Uz khaw ung Joba ming nak ciah chang tumat om ci. Ani cu Khanpughi khawihnah ne akni ung bekhüt ci. Ani cu chang niah kyak ci. Akshe kä a bi vai ah geing nak ci.

NEHEMIAH 13:31

M’khih ne douthak nak vai ah sing gui, kä akhin ung ami law püi nak vai ala chang gui naw hmin htük ciah pümhta la am theih üp ma ci gui ami douthak vai ah ami law püi vai ah kei naw ka pyan pe gui ci. O Khanpughi, shin gui avan shüm ne, kei ah khan ah ng’lawn nak na yuk pe ä.

NEHEMIAH 13:22

Kei naw Levit gui ka k’bäi gui cu, ami mät naw ami mät theingthap sak u neta, hteit ne kyiin hnüüp theingcim sak hning vai ah m’kawt gui cu ami ngäng vai. Na shüm ä, O Khanpughi, na m’gein ä, a i ah kyasei ci ung na m’hni nak cu dämduh aih ci nei.

NEHEMIAH 13:14

Shüm ä, Ka Khanpughi, shin gui avan cu na Taigüim la a cun ung khawihnah nak vai ah kei naw ka bi ah kyak ci nei.

NEHEMIAH 5:15

Kei ah kä bi pha ung bik ciah uktubawi phung naw chang gui cu ami phuih gih sak gui. Ngami naw ei la awk vai ah phäh ah hnüüp ät ung, ngui phe phli kip ci k’thäh gui ci gui. Ami changshäm gui naw phi chang gui cu she na gui ci gui. Cun ung phi kei cun ah kä ka kyak ci, a i ah kyasei ci ung kei cu Khanpughi ka kyih aa ci.

SAM 101:2

Kei ah ka hnün thawh cu kä chei khai nei. A i yah ung kei ah na lawk khai aw? Kei cu ka mät ah im ah ang cim ah ka om khai,