SAM 26:10 - Cho Bible Common Language 2016

¹⁰ A phlüt ah akshe bik ci gui cu, angtäi sei ei k’aw ci gui nei.

SAM 26:10 Referans Kwoze

THULÄÄN NAK 16:19

Ngami cu kä taga ciah kä kyak khai gui, ami ng’thumcha nak ung m’khoihnga nak kä m’dang khai gui. Ng’mü khawh kä dou khai gui, cüivai ci la düng ci chang ah mik phi m’cümhnah nak naw m’dauh sak ci. Acun naw hma ci m’hnüt bäi nak pe gui ci.

SAM 52:2

Nang cu chang m’di vai na pawng aih ci; Nang ah m’lei cu sem ghaat awn täng ci. Nang cu angtäi sei hleei nak na tüisho ci.

1 SAMUEL 8:3

Cun ung phi ami pa ah bi cu kä läk hlawt ci gui; ngami cu ngui gah vai bäng tha nak ci gui. Ngami cu ng’mü khawh dou u ne a i ah mawng phi ng’düng khai ah kä m’khoi m’chak ci gui.

PHYAWN NAK 23:8

Ng’mü khawh kä na dou vai, ng’mü khawh naw chang ah düng nak kat sak ne, changni ah mawng ng’chei sak ci.

LAMKTU 23:12

A ngawi ung kho ngawi Judah chang amshah gui cu ng’cut ne ng’hmuh u netah, Paul kä mi ngawn pha ah chuih a i phi kä ei auk ah mi om khai cine k’bäi ci gui.

MIKHAH 7:3

Akshe bi vai ah chang van theileh ci. Bawi gui la suki gui naw m’cümhnah nak thäh ci gui. Ang vaipi naw ang yak hlü pi thäh ci, ngami naw atäng ah bum ci gui.

AMOS 5:12

Shah aih ciah nami katnak gui la leng ba ba ne nami katnak gui cu kei naw ka hmat ci. Chang k’ni nami dukdeiu nak ci, ng’mü khawh nami lak ci, mang ah m’kawt ung dukhaih ci ghui ah gah vai ah taga nak gui cu nami shung ci.

ISAIAH 33:15

Nang cu hman ciah ng’thu ne, düng ciah nabi vang na k’pawih hning ci nei. Dukhaih ci k’titaih nak vai ah nami huham kä nami mang vai, ng’mü khawh kä nami dou vai. Chang ngawn khai ah pawng ci ung phi kä nami ng’gui tu vai.

NG'THU K'THUUK~ 4:16

Chang shekha gui cu cheishoh nak kä ami bi ung kä ip hlawt ci gui. Chang tumat kä ami m’di ung kä cimgang ci gui.

NG'THU K'THUUK~ 1:16

Ngami cu akshe bi vai ah kä ng’giin ci gui. Chang ngawn vai ah patyaang ci gui.

SAM 36:4

A ih ng’zän nak ung phi akshe bäng ngaih-tüh ci; Akni phung a i kä bik ci; akshe phung kä hnu nak ci.

SAM 11:2

A i ah kyasei ci ung changshe gui naw ami lim’cung ne, ami m’la phun ne changni gui cu kap khai gui ah pawng ci gui nei.

SAM 10:14

Cun ung phi nang naw na hmuk ci; Khüikha ci la gein vai cicu na hmat ci, na m’htei ge khai ah na om ci. A m’gein kaa cicu nang ung ng’ap ci gui, nang naw geinvai cicu angtäi sei na m’htei ci.