SAM 26:1 - Cho Bible Common Language 2016

¹ O Bawipa, kei cu düng ci bi ne, nang ung akbe ah ka ng’ap ci kyasei, Kei täng ah na bi lawh vai nei.

SAM 26:1 Referans Kwoze

SAM 28:7

Bawipa naw na shung ne na vong ci; Ani cu ka ngaih u ci. Ani naw kei cu nam htei ne, na yei sak ci; yeikyai nak ng’äi awn kei naw ka m’taam ci nei.

SAM 7:8

Nang cu hniciim chang avan ah suki ah na kyak ci. Kei täng ah m’choi cha ä, Bawipa; Kei ah düng cu nang naw hmat ci nei.

NG'THU K'THUUK~ 20:7

Dung ne om ne cang nak bi ci ami pa nak ung a hmaw gui cu ami khaw ding ci.

SAM 21:7

Ghangpughang naw a hlüngtai säih Bawipa ngaih u ci, Bawipa ah ng’täi ciah m’hni nak awn ani cu angtäi sei phyawng khai.

2 GHANGPUGHANG GUI 20:3

“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.

1 SAMUEL 24:15

Bawipa naw m’khoi m’chak khai, a u chang mi hma ciah ani naw m’hnüt bäi khai. Ani naw a mawng cu teng khai, nang ah kut ung kei na shungvong ne, na hun ci,” cik ci.

2 PETER 1:10

Cun ah kyasei phäinau gui aw, nangmi Khanpughi naw khü ne ning ghü gui ciah, angtäi sei ngaih gep ne, nami tha law nak pi täi ah a kyak ung, a i sang ung phi nami yum nak cu kä nami ng’hlah ta hlawt khai nei.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

HEBRU 10:23

Mikmi cu Khanpughi ah shaitaak kutshum ne mi ng’ap hning pyi ciah kyasei, mi yum la mi ngaih u nak cu khäng khai ah mi kut shum khai nei.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

NG'THU K'THUUK~ 29:25

Chang gui naw ami ning ngaih ah mäih ah na om ung kyih vai kyak ci, Cun ung phi Bawipa ung na ng’ap ung na phyawng gai khai.

SAM 121:3

Ani naw kä ning kyuk tän sak phung khai, Nang ning ngäng cicu angtäi sei ci m’gang ci.

SAM 94:18

Kei naw, “Ka zu ng’kya vük ci nei” ka cik ci, cun ung phi Bawipa, bä ciah na m’hni nak naw kei cu na m’htei ci nei.

SAM 62:6

Ani bäng naw na shung ne na hun ci; Ani cu ka ng’yii nak ah kyak ci, kei a i naw kä na hmim phung khai.

SAM 62:2

Ani bäng naw na shung ne na k’phyawn ci; Ani cu ka ng’shung nak ah kyasei, Kei a i naw kä na hnim khai.

SAM 54:1

O Khanpughi, na huham awn nak phyawn ä; na m’gäi nak awn na m’hlawt ä!

SAM 43:1

O Khanpughi, akni ah na dang sak ä, Khanpughi kä yum cicu hnu ng’tuk püi ne, kei ah mawng cu na shung ä. Hleeihlak ciah changshe gui ung nak phyawn ä.

SAM 37:31

Ani naw Khanpughi ah ang thukhän pang ne, am lung ung chum ci, a i sang ung phi kä ng’pai phung ci.

SAM 35:24

O Bawipa, nang cu na düng ci nei, cun ah kyasei changni ah na pyang ä, ka ga gui naw kei cu kä na gaih m’gin u sä.

SAM 31:14

O Bawipa, cun ung phi nang ka ng’ap ci, Nang cu ka Khanpughi nei.

SAM 26:11

Cun ung phi, kei läi cu, düng ci ka bik ci, kei cu na chimgein ne, na hun ä!

SAM 25:21

Kani nak la ka düng nak naw kei cu na ngäng sä, a i ah kyasei ci ung kei cu nang ung ka ng’ap ci nei.

SAM 25:2

Ka Khanpughi, nang ung ka ng’ap ci nei. Thui ng’a nak ung na k’phyawn ä; Ka gaa gui naw kä na näng en u sä!

SAM 15:2

Cun cu, avan cung Khanpughi ngai ne, angtäi sei düng nak bik ne, ang’thu cu düng ne, ng’awi gi sei,

SAM 4:5

Bawipa-am dung ciah khawihnah nak cu pe vä, Ani ung be sei ng’ ap vä.

1 SAMUEL 2:9

Ani naw bekhüt ciah ak chang gui ah hnun gui shungvong ci, Cun ung phi changshe gui cu hmüp khui ung maih ci gui; Chang naw amät ah k’thagui awn näng nak kä gah ci.

JOB 2:3

Bawipa naw, “Ka changsahäm Joba cu na hmat man ne ang? Ani ah mäih ah bekhüt ne akni ah om ciah chang khomdek khan ung tumat phi kä om ci nei. Ani naw kei cu na khawihnah ne akshe kä a bi vai ah geing nak ci nei.” Nang naw amwng ama kä om ciah phäh ah ani na tuk vai ah kei na na tük phlawh ci nei. Cun ung phi Joba cu abekhüt man ah bekhüt gäk gäk ci nei” cik ci.

JOB 4:6

Nang cu Khanpughi na khawihnah ci kya ne, na ghin nak ung pyen vai kä om ci, Cun ah kyasei nang ung m’lung üpnak la ngaih u nak a om vai kyak ci.