SAM 25:9 - Cho Bible Common Language 2016

⁹ Am lung neim ciah chang gui lam düng m’shüm gui ci, Amät ah ng’yak hlü phi m’thei gui ci.

SAM 25:9 Referans Kwoze

SAM 23:3

Ani naw thagui akthai na pek ci. A shaitak ah mäih ah düng ciah lam phi na m’shüm ci.

KALATIAN 5:23

Hniphnoi nak, la küikyang htingling nak gui ah kyak ci. Shin gui hnu ng’tuk püi khai ah a i ng’thukhän phi kä om ci nei.

MATTHE 5:5

“Am lung hnip ne a om nik ciah chang gui yeikyai vä; Nangmi ung Khanpughi ah shaitaak cu kümbe khai!

1 PETER 3:15

Nami m’lung kyong ung Bawi Khrit cu kyih aa u ne, Bawipa nei ci ne m’tamkhah vä, Ani yum ne nami ngaih u ah mawng ning shi gui ci a om ung, nami m’thein tu ge thei vai ah nami om vai nei.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

ZEPHANIAH 2:3

Am lung neim ciah khaw chang gui ah ng’thu läk ciah chang avan Bawipa ah ng’hlat law vä. Düng ci bi ne Bawipa ah ma ah nami m’lung neim sak vä. Bawipa ah am lungshe nak ah khaw hnüüp ung nami phyawn nak vai om ei hman khai nei.

EZEKIEL 36:27

Kei naw ka mümcha cu nangmi ung ka tha khai, kei naw ka ning pek gui ah thumkhän avan cu k’paang ne, thukhän gui cu nami läk ah kei naw ka ning teng gui khai.

SAM 149:4

Bawipa cu ak chang gui ung lünlawi ci; M’lung neim ci gui cu näng nak awn m’tam gui ci.

SAM 147:6

Am lung neim sak cicu thawh sak ne, changshe cu güüt ne m’dek ung m’shän ci.

SAM 143:10

Nang cu ka ning Khanpughi nei; na ng’yak hlü bi vai ah na m’htei ä. Kei ung ni ne, phyawn nak ah lam cu na m’shüm ä.

1 PETER 3:4

nami m’lung kyong ung akcang ah ng’awi ng’gi nak la hniphnoi nak cu om sä, cun cu Khanpughi ah ma ah ak küikyang ah kyak ci nei.

JAMES 1:21

Cun ah kyasei, kä nik ciah om ih la shekak ciah hnünthawh nak cu nami ng’cim sak vai nei. Khanpughi cu dou ne, Khanpughi naw nami m’lung kyong ah a geit ah thu cu nami kutshum vai, acun naw nangmi cu ning hun gui hning ci.

SAM 119:66

Na thumkhän ung ka zumhtek ci kyasei, cüivai nak la hmuhmat nak cu na yuk pe ä.

SAM 119:35

Na thumkhän ngaih nak vai ah na shum ä, a cun ung yeikyai nak ka hmuk ci nei.

SAM 76:9

Cun cu khomdek khan ah ng’neim ci gui hun vai ah, m’khoi m’cha nak ng’shäu ne na thawh law sang ah kyak ci nei.

SAM 73:24

Nang naw na cüi vai nak awn lam na nam shüm ci, Ak hnu ah m’taam ne na na do khai.

SAM 27:11

Bawipa, na ng’yak hlü ka bi vai ah, nam thei ä, phyawn nak ah lam düng na m’shüm ä. Kei cu ka gaa da aih ci nei.

SAM 22:26

Dukhaih ci gui naw ami phü ah ei khai gui; Bawipa ah lawk ci gui naw ani cu m’taam khai gui. Ngami cu angtäi sei bühmang u sä!

HEBRU 10:20

Bawipa naw amät ah pumsa ah kyak ciah yihdung cu lim ne, lam thai, ghin nak ah lam cu nak hmawn pe gui ci.

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

ISAIAH 11:4

Ani naw dukhaih ci gui cu nik khai ah m’khoi m’cha gui ne. Am gein kaa gui cu shungvong gui khai. Ani naw ang thukhäm awn chang gui cu m’kyuk gui khai, changshe gui cu sik khai gui.

NG'THU K'THUUK~ 8:20

Kei cu düng ciah lam ung ka hteit ci; taga ciah lam ka läk ci.

LAMKTU 13:10

“Khoshe ah hta, akni m’cheishoh ciah gaa, hleeihlak thei ciah chang, nang cu Khanpughi ah düng nak shek khai ah na bik ci nei.

LAMKTU 9:2

Bawipa ah hnu läk ciah hnumi, pami avan a hmuh ung phah neh Jerusalem ah alaw püi nak hning vai ah ap nak ah ca cu, Damaskas ah pum im gui ah ami guk vai ah vah pyein ci.